عزة بهاء: مش بلاقي نفسي في الوسط الفني.. وبيتعرض عليا شغل ميستحقش أنزل من بيتي عشانه

كشفت الفنانة عزة بهاء سبب غيابها فنيا الفترة الماضية، وعدم مشاركتها في أي عمل سينمائي أو درامي، وذلك خلال لقائها مع الإعلامية مروة صبري ببرنامجها قعدة ستات.

تحيا مصر يرصد تفاصيل تصريحات عزة بهاء في قعدة ستات

غياب عزة بهاء عن المهرجانات الفنية

وقالت عزة بهاء: أنا ممثلة مش موديل؟ هل عمركم شفتوا عبلة كامل في مهرجان فني؟ كانوا زمان بيدعوني للمهرجانات الفنية ولكن غالبا دلوقت اتنسيت من كتر ما برفض لأني مبعملش شغل ف هروح ليه؟.

وتابعت: والتصوير على الريد كاربت مطلوب وبيفكر الناس بالنجوم، وممكن اجهز وأخلص لبس واجي على أخر دقايق اقول لا مش نازله ماليش مزاج، ولكن أنا فاشلة في العلاقات العامة ومش بلاقي نفسي وسط الوسط الفني، ومش شبه الوسط الفني اللي موجود آخر ١٠ سنين.

عزة بهاء في قعدة ستات

واضافت: لما أنا اتخرجت كنت بشتغل مع الأستاذ عادل إمام وسمير صبري وأول عمل ليا كان مع الأستاذة سناء جميل، وفضلت أشتغل وأقل أقل لحد ما بقى بيتعرض عليا شغل ميستحقش أنزل من بيتي عشانه.

برنامج قعدة ستات تقدمه الإعلامية مروة صبري على شاشة "القاهرة اليوم" يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.

صدمة عزة بهاء في جنازة زوجها

وفي الحلقة ذاتها، كشفت الفنانة عزة بهاء تفاصيل صدمتها عند معرفتها بزواج زوجها عليها، أثناء تشييع جثمانه، وقالت عزة بهاء: أنا اتجوزت ٣ مرات، لأن مليش حظ في الرجالة للأسف بختار غلط.. أنا مرة كنت متجوزة وهو كان مسافر وعمل حادثة وأنا طبعا قاعدة مستنياه يرجع فإتأخر فلقيت مامته بتكلمني تقولي أنه اتوفى.

وتابعت: نزلت لقيته اتوفى فعلا وقاعد في عربية الإسعاف ومعاه واحدة، فقعدت اخبط على العربية عايزة أعرف مين دي ومصدومة طبعا ومش مستوعبة لسه وفي الجنازة بتاعته بعد ما اتدفن وصلينا عليه لقيت واحد صاحبه بيواسيني فقولتله إلا قولي هي مين اللي كانت مسافرة معاه دي صحيح صحبته ؟.