عزة بهاء: مليش حظ في الرجالة.. واكتشفت أن جوزي متجوز عليا وأنا في جنازته

كشفت الفنانة عزة بهاء تفاصيل صدمتها عند معرفتها بزواج زوجها عليها، أثناء تشييع جثمانه، وذلك خلال لقاء لها ببرنامج قعدة ستات، المذاع عبر شاشة تلفزيون قناة القاهرة اليوم، وتقدمه المذيعة مروة صبري.

تحيا مصر يرصد تفاصيل تصريحات عزة بهاء في برنامج قعدة ستات

صدمة عزة بهاء في جنازة زوجها

وقالت عزة بهاء: أنا اتجوزت ٣ مرات، لأن مليش حظ في الرجالة للأسف بختار غلط.. أنا مرة كنت متجوزة وهو كان مسافر وعمل حادثة وأنا طبعا قاعدة مستنياه يرجع فإتأخر فلقيت مامته بتكلمني تقولي أنه اتوفى.

وتابعت: نزلت لقيته اتوفى فعلا وقاعد في عربية الإسعاف ومعاه واحدة، فقعدت اخبط على العربية عايزة أعرف مين دي ومصدومة طبعا ومش مستوعبة لسه وفي الجنازة بتاعته بعد ما اتدفن وصلينا عليه لقيت واحد صاحبه بيواسيني فقولتله إلا قولي هي مين اللي كانت مسافرة معاه دي صحيح صحبته ؟.

وأضافت: صاحبه رد عليا قالي لا يا عزة متظليمهوش ده طول عمره على خُلق ودي مكنتش صحبته طبعاً دي كانت مراته، وأنا كنت زوجة تانية وهو اتجوز عليا التالتة من غير ما أعرف.

تفاصيل برنامج قعدة ستات

برنامج قعدة ستات تقدمه الإعلامية مروة صبري على شاشة القاهرة اليوم يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.

عزة بهاء وتجربة الزواج

وسبق وأن تحدثت الفنانة عزة بهاء عن تفاصيل زيجاتها السابقة، والسبب وراء وقوع الانفصال في كل زيجة، وذلك خلال حوارها ببرنامج “الستات”، مع الإعلامية سهير جودة.

حيث قالت عزة: “مش كل الناس بتقدر تفهم طبيعة شغل الفنان، وكنت دايما بختار البيت، والتوفيق في الأخر بيبقى من عند ربنا، قد أكون أنا متعبة شوية، أو مش أحسن حد، وأنا دايما بدي كتير، وفجأة مش بلاقي النتيجة اللي أنا عايزاها، أقوم واخدة موقف”.

وتابعت: “وكنت بكرر تجربة الزواج على أمل يطلع شخص كويس، والمشكلة مش بتبقى في اللي قدامي، المشكلة بتبقى أنا بختار بمقاييس معينة والظاهر أن هي غلط ”.