مجدي سعيد: الممثل اللي مش بيتطلب موهبته ضعيفة.. واللي بيعتزل مش فنان

كشف الفنان مجدي سعيد عن سبب اختفاؤه بعد الشهرة، وذلك خلال لقاء له ببرنامج المنسي، المذاع عبر شاشة تلفزيون قناة هي، وتقدمه المذيعة إنجي هشام.

تحيا مصر يرصد تفاصيل تصريحات مجدي سعيد في المنسي

وقال مجدي سعيد: أنا مطلوب لحد اللحظة دي لكن بحاسب نفسي، بشوف هل ينفع ابني أو اختي يشوفوا ده، لو لقيت مينفعش لا يمكن اعمله دايما احساسي هو اللي بيوجهني قبل للأجر وقبل حاجات كتير لأن عندي ضمير شوية ودي مهمه جدا لأن الفن رسالة ومش أي رسالة دي رسالة سامية.

مجدي سعيد: اللي بيعتزل مش فنان

أضاف مجدي سعيد خلال حواره مع الإعلامية انجي هشام في برنامج المنسي عبر قناة هي:' سألوني قريب في البرامج قلتلهم اللي بيعتزل ده اصلا مش فنان ده داخل الشغلانه كده، ولما اقول ان ده حرام طب عملتوا ليه من الاول، إنما تعمله وترجع تقول حرام وترجع وتقول سألت لقيته كويس مينفعش.

وتابع: اللي مبيطلبش أو مبيشتغلش موهبته ضعيفة، فعلا في مخرجين جداد لكن ده ميخلنيش اشتكي، الفنان كرامة الفنان عزة نفس ومينفعش أقول بيتي اتخرب أنا تلاجتي فاضية في ايه ! مبتطلبش خلاص شوف شغلانة تانية.

مجدي سعيد وبيتر ميمي

وفي الحلقة ذاتها، كشف الفنان مجدي سعيد تفاصيل ترشيحه لمسلسل الحشاشين، وقال مجدي سعيد: بعتولي عليه من السنة اللي فاتت، وإن شاء الله يكون حاجة كويسة، هما صوروا في قبرص وكان المفروض هيتعرض رمضان ٢٠٢٣.. هيبقى في رمضان ٢٠٢٤ وبتعشم أكون محطوط في حاجة كويسة لأني لو مش محطوط في حاجه كويسة مش هشتغل.

وتابع: دكتور بيتر راعاني أوي وأنا بحبه أوي وبيفرق لما بكون المخرج حابب الممثل، فيه مخرجين بيكرهوا الممثل أو هو شخصيا بيكون نفسه يمثل ودي زمايلنا شافوها يعني.

كريم عبد العزيز يشوق الجمهور لـ مسلسل الحشاشين

وسبق وأن روج الفنان كريم عبد العزيز الجمهور لمسلسه الجديد «الحشاشين»، وذلك عبر حسابه الرسمي بموقع التواصل الاجتماعي فيسبوك، مشيرا إلى طرحه خلال الفترة القليلة المقبلة.

وكتب كريم عبد العزيز مرفقا صورة البوستر الفردي للعمل: «قريبا ..مسلسل (الحشاشين)(أبطال واباطيل من وحي التاريخ ) تأليف أستاذ عبدالرحيم كمال ..اخراج أستاذ بيتر ميمي .انتاج سينرجي».