مجدي سعيد: فيه مخرجين بيكرهوا الممثل.. ولو مجاليش دور كويس في الحشاشين مش هشتغل

كشف الفنان مجدي سعيد تفاصيل ترشيحه لمسلسل الحشاشين، وذلك خلال لقاء له ببرنامج المنسي، مع المذيعة إنجي هشام، المذاع عبر شاشة تلفزيون قناة هي.

تحيا مصر يرصد تفاصيل تصريحات مجدي سعيد في برنامج المنسي

وقال مجدي سعيد: بعتولي عليه من السنة اللي فاتت، وإن شاء الله يكون حاجة كويسة، هما صوروا في قبرص وكان المفروض هيتعرض رمضان ٢٠٢٣.. هيبقى في رمضان ٢٠٢٤ وبتعشم أكون محطوط في حاجة كويسة لأني لو مش محطوط في حاجه كويسة مش هشتغل.

مجدي سعيد وبيتر ميمي

وتابع: دكتور بيتر راعاني أوي وأنا بحبه أوي وبيفرق لما بكون المخرج حابب الممثل، فيه مخرجين بيكرهوا الممثل أو هو شخصيا بيكون نفسه يمثل ودي زمايلنا شافوها يعني.

واضاف: اللي بيكون فاهم في حرفية الشغلانة أوي بيحسها، في مخرج بيكون معندوش إلا النجم والنجمة والباقي ده كله جاي يكمل، وفي مخرج يقولك ايه أنت عندك أحسن من كده.

تفاصيل برنامج المنسي

برنامج المنسي هو برنامج على قناة  هي تقديم الإعلامية إنجي هشام، ويذاع يومي السبت والأحد في تمام الساعة الحادية عشر مساءا ويستضيف عددا من نجوم الفن والإعلاميين الذين غابت عنهم أضواء الشهرة والنجومية.

أخر أعمال مجدي سعيد

ومن الجدير بالذكر أن أخر أعمال مجدي سعيد مسلسل الاختيار 3، الذي كان من بطولة  أحمد السقا وكريم عبد العزيز وأحمد عز وياسر جلال، وخالد الصاوى، صبرى فواز، جمال سليمان، محمد رياض، إيمان العاصى، هيدى كرم، سمر مرسى، نور محمود، خالد زكى، منى عبد الغنى، مفيد عاشور، نادية رشاد، أمير المصرى، محمود البزاوى، آدم الشرقاوى.

بالإضافة إلى دنيا المصري، هشام إسماعيل، أشرف زكى، حسنى شتا، محمد العمروسى، محمد على رزق، محمود البزاوى، شريف خير الله، صبحي خليل، ناردين عبد السلام، والعمل من تأليف هانى سرحان، وإخراج بيتر ميمى، إنتاج شركة سينرجي، وتم عرضه في رمضان 2022 وحقق نجاحا ساحقا.

ويتناول المسلسل قصص حياة شهداء من الداخلية والجيش المصري في الفترة من 2013 حتى 2020.