رضا البحراوي: اشتغلت كل حاجة وكنت باخد 10 و15 جنيه.. وأمي أهم حاجة في حياتي

حل المطرب الشعبي رضا البحراوي ضيف على برنامج صاحبة السعادة، التي تقدمه الإعلامية إسعاد يونس على شاشة قناة dmc، والذي تحدث خلاله عن بدايته في عالم الشهرة والغناء.

تحيا مصر يرصد في ذلك التقرير تصريحات رضا البحراوي مع صاحبة السعادة 

رضا البحراوي: حب الناس بفضل والدي ووالدتي وكنت بغني وأنا 8 سنين

وقال رضا البحراوي خلال البرنامج: حاسس بحب الناس وده بفضل دعاء والدتي ووالدتي

وتابع حديثع عن بدايته الفنية، فقال: غاويت الغناء من وأنا 8 سنين في طنطا أنا من طنطا منطقة شعبية كنت بغني في الحنن والشوارع، وكانوا بيوقفوني يقولوا صوتك حلو لحد ما قابلني علي عبد الستار المخرج والمنتج بتاعي وخدني، وأول شريط ليا مخدتش فلوس فيه أنا كان همي الشهرة بس وأول فرح بعد مانزل الناس شالوني فأبويا عيط.

رضا البحراوي: اشتغلت كل حاجة وانا صغير وكنت باخد 10 أو 15 جنيه

وتحدث رضا البحراوي عن طفولته وعلاقته بوالدته، فقال: أنا اشتغلت كل حاجة وأنا صغير بـ 10 و15 جنيه لأن والدي ووالدتي على قدهم ومكنش بشرب حاجة، وكان عندنا عربية مكروباص اشتغلت عليها كومسري ومكنتش بتارجيت الفن.

رضا البحراوي: مبعرفش امشي خطوة إلا بأمي

وتابع: أما سبت البيت وروحت أغني والدي كان بيجي معايا دايما لحد ما تعبت ووالدي وهو على السرير قالي ربنا يرزقك عشان انت حنين على أهلك، ووالدتي بعدها تبعت تعب نفس تعب والدي وربنا يشفيها لأنها حياتي كلها، ووالدتي مرتبطة بطنطا وأما أقولها تعالي القاهرة انا مبعرفش امشي خطوة الا بيها واي حاجة تطلبها لازم أعملها.

رضا البحراوي في فيلم البعبع

من ناحية أخرى، شارك رضا البحراوي في فيلم البعبع الذي من المقرر أن يشهد العرض الخاص له في مساء اليوم الإثنين في إحدى سينمات التجمع، ويخض بطولة العمل كل من النجوم  أميرة كرارة، وياسمين صبرى ، وباسم سمرة، ومحمد عبد الرحمن توتة، ومحمد أنور، وعباس أول الحسن ، وهو من تأليف إيهاب بليبل، ومن إخراج حسن المنباوى.

ودرات أحداث فيلم البعبع في إطار من الحركة والكوميديا، حيث تقع طبيبة صيدلانية في حب المجرم سلطان الذي يقرر التوبة وترك الإجرام، ويواجه مع صديقه سوكا العديد من المواقف التي تغير مجرى اﻷحداث رأسها على عقب.