شيري عادل عن زوجها طارق صبري: بيدعمني وبيقرأ السيناريو معايا

تحدثت الفنانة شيري عادل عن دعم زوجها الفنان طارق صبري لها في مشوارها الفني، وذلك خلال لقائها مع برنامج أراب وود.

تحيا مصر يرصد تصريحات شيري عادل.

تصريحات شيري عادل 

قالت شيري عادل: ""طارق بيدعمني ويقرا السيناريو معايا، وبيبقى عايز يشوفني أحسن...وبيشجعني لو في حاجة حلوة لأن أنا مترددة وهو بيساعدني باتخاذ القرار هو بيكملني في الحتة دي".

تفاصيل ارتباط شيري عادل بطارق صبري

وكانت كشفت الفنانة شيري عادل تفاصيل ارتباطها بالفنان طارق صبري قبل زواجهم، وذلك خلال لقاء لها ببرنامج "The Insider بالعربي" على شاشة تلفزيون قناة "دبي".

قالت شيري عادل: "احنا نعرف بعض من 6 سنين، كنا صحاب جدًا، والموضوع كان مفاجأة كدا حصل".

وقالت شيرى: بعد ما قربنا من بعض بدأ يبان إن فيه حاجة بينا، واتفقنا إننا نتجوز، كنت بنتعشى مع بعض وقال لى: عايزة اتجوزك، وبعد ما اتفقنا كل ما أقول لحد يقولنا مستعجلين ليه كدة؟.

علاقة شيري عادل بزوجها

وأضاف طارق: "فى البداية محدش عرف عن علاقتنا غير القريبين، والأسرتين، والأحسن إن العلاقات تتبني في هدوء"، وعن تفاصيل زواجهما، أوضح صبرى: "كل حاجة عليا، ومفيش حاجة على ذوقى، بروح أدفع بس".

كما كشف الثنائي عن موعد حفل الزفاف وأعلنت شيرى عادل أن حفل الزفاف سيقام فى الصيف المقبل، وعن السبب قالت: "كان نفسى أعمل فرحى على البحر، قولت نعلمه فى الصيف، بالنسبة له الفرح مش أهم حاجة، قال لى: نتجوز وبعد كدة نعمل الفرح".

وعن عيوب كل منها قالت شيرى: "نفس عيوب ما قبل الزواج.. عمر ما اتنين هيعرفوا بعض قبل الجواز زى بعد الجواز"، وأضافت شيرى: "بعد الجواز أنا اتغيرت للأحسن".

وحول علاقة شيرى عادل بالمطبخ قال طارق: "فى مرة عملت لى بروكلي بالبشاميل، كنت أول مرة أكله، وعجبني جدا".