بسنت السبقي عن السبكي: وعدني أكون نجمة أفلامه بس حصل خلاف وأي حد معاه بيتشهر

تحدثت الفنانة بسنت السبقي عن علاقتها بالمنتج محمد السبكي، والذي من المقرر أن يخوضا مسيرة فنية كبيرة بينهم، ولكن بشكل مفاجئ أصبح ظهور السبقي قليل في الأعمال السينمائية والدرامية.

تحيا مصر يرصد في ذلك التقرير تصريحات بسنت السبقي عن محمد السبكي

بسنت السبقي: السبكي قالي اني هكون نجمة أفلامه الجاية

وقالت بسنت السبقي خلال برنامج “FACE OFF”، الذي  تقدمه  الإعلامية سارة نخلة على شاشة “هي”: "بعد ما السبكى شافنى فى اهواك وعدني أنى أكون نجمة افلامه الجاية وكنا بنصور فى الغردقة و وصلنا الفجر  مستناش لتانى يوم وقالى تعالى الشركة ومضيت على فيلم "اوشن ١٤" بعد وعده ليا بعدين حصل خلاف".

كما كشفت عن رأيها في الأعمال الفنية من انتاج السبكي قائلة: افلام السبكى أى حد مش معروف لو شارك فيها بيتعرف مبحبش أجواء استايل الرقاصة والمهرجان اللى في افلام السبكى دي مينفعش تبقى موجودة طول الوقت، ممكن بلجأ ليها لما ببقى عايزة افك شوية اضحك مخى ميشتغلش لأن الناس لو اتعودت على دة طول الوقت هنبقى ناس سطحية مش بنفكر فى اي حاجة مش هننتج فى اى حاجة وهتبقى دى أفكارنا الشعب نازل عايز دى تبقى رقاصة وهو عايز يبقى بيغنى ويطبل.

بسنت السبقي تثير الجدل بعلاقتها عن تامر حسني

وتصدرت السبقي حديث مواقع التواصل الإجتماعي المختلفة في الساعات القليلة الماضية، وذلك بعدما كشفت عن علاقتها مع تامر حسني حيث قالت:  أول حاجة اشتغلتها في حياتي مذيعة سياسة، وفجأة بقيت مش بشتغل، عشان كنت مخطوبة وكان خطيبي رافض ساعتها أن أنا اشتغل في الميديا، ووافقته ومكملتش في الشغل، وكنت ساعتها صغيرة ومش فاهمة ومش مستوعب، وأنا وهو أصدقاء جدا وهو نجم كبير، هو تامر حسني.

بسنت السبقي عن تامر حسني: تامر مكانش ليه رغبة اني اشتغل لانه مبيحبش حد يزعقلي

وتابعت: هو مكانش ليه رغبة أني اشتغل، ومش بيحب يكون فيه مواعيد متأخرة، أو حد يضايقني أو حد يزعقلي، والموضوع جه فجأة، احنا في أسبوع ارتبطنا، وسيبنا بعض باحترام، وهو من البني آدمين اللذاذ، ومش هو اللي رشحني لمسلسل آدم، واتعاملنا عادي، وهو كان مستغرب أني بقيت ممثلة، لأنه مكانش متخيل دا.