هندية : حملت من أيمن السويدي مرتين وأجهضني لكن بحبه ومسامحاه

حلت الراقصة هندية ضيفة على برنامج المنسي المذاع على قناة هي وتقدمه الإعلامية انجي هشام، والتي كشفت خلاله عن سبب حرمانها من الأمومة وندمها على ذلك، مؤكدة أن زوجها أيمن السويدي السبب.

تحيا مصر يرصد في ذلك التقرير تصريحات هندية عن الأمومة

هندية: تزوجت أيمن السويدي وحملت مرتين وأجهضني

كشفت الفنانة هندية سبب حرمانها من الأمومة قائلة :تزوجت من ايمن السويدي وحملت مرتين وأجهضني وقالي مش عاوز أطفال وانا زعلت وقولت يمكن عشان راقصة طلع أنه عمل كده في حنان ترك واكتر من حد ومش عاوز اولاد وقالي هموت وانا صغير، سمعت كلامه  وسقطت مرتين ولكن بحبه جدا ومسامحاه كمان.

وأضافت خلال حوارها  في البرنامج:'أنا كنت عايزة ابقي أم وهو حرمني لكن ف الاخر بقول القرار كان قرار مين ربنا ولا البني ادم هزعل من ربنا ولا منه هو، وبعد ما انفصلت منه قالي ليه سمعتي كلامي؟ قلتلو كرامتي وجعتني.

هندية: بشوف أجيال بتحزني فعدم الخلفة مسببليش ازمة

تابعت : الموقف ده مسببليش أزمة لاني بشوف اجيال بتحزني وطاقتي قلت، بروح عند أخواتي بلعب مع الاحفاد وبموت في الاطفال ولكن بعد ساعة بقولهم خلاص امشوا مبكونش قادرة طاقتي قلت وربنا لو رايد كنت خلفت.

واختتمت هندية حديثها: اتجوزت مرة تانية وقعدت معاه ١١ سنة وروحنا لدكاترة كتير جدا وربنا مكنش رايد وده كان سبب في الانفصال واتجوز وعنده أولاد دلوقتي وبسأل عليه وبيسأل عليا.

هندية تتحدث عن علاقتها بأيمن السويدي 

جدير بالذكر، أنه  سبق وتحدثت هندية عن علاقة أيمن السويدي بـ اعتزالها، فقالت خلال برنامج كلام الناس، المذاع على قناة mbc  مصر وتقدمه الإعلامية ياسمين عز: وأنا متجوزاه قعد شهر بشتغل، وهو عمره ما قالي منزلش الشغل لكن كان بيلمح لده، وفي مرة كلمني في أوتيل الشغل وقالي انزلي عايزك ضروري أبويا في المستشفى ومحتاجك وخدني ولف بيا في الشاعر وقالي أنا مزاجي متشتغليش النهاردة".

وتابعت: وقتها قولته أنا معايا رجالة مينفعش أصغرهم، واليوم كله اتحملت خسارة الطرابيزات، احترمت ذاتي ونفسي ورجالتي وقولت للمدير مش هشتغل تاني  كان لازم أحترم طلبه، وديما بقول الراجل راجل والست ست".