ليلى زاهر تحتفل بعيد ميلاد شقيقتها ملك: سندي وضهري وأحن أخت

حرصت الفنانة الشابة ليلى أحمد زاهر، على الاحتفال بعيد ميلاد شقيقتها ملك أحمد زاهر، وذلك من خلال حسابها الرسمي بموقع تبادل الصور والفيديوهات القصيرة انستجرام.

تحيا مصر يرصد احتفال ليلى أحمد زاهر بعيد ميلاد شقيقتها.

عيد ميلاد ملك زاهر 

ونشرت ليلي زاهر فيديو مجمع لصور برفقه شقيقتيها ملك، وعلقت عليه قائلة: كل سنة وأنتي سندي وضهري وأحلى وأحن أخت في الدنيا.. كل سنة وأنتي مفش في جمالك ولا طيبة قلبك وموهوبه وشاطرة شطارة مش عادية ما شاء الله.. كل سنة وانتي أغلى حاجه في حياتي.

آخر أعمال ليلى زاهر الغنائية

على الصعيد الآخر، طرحت الفنانة ليلي أحمد زاهر، فيديو كليب أغنيتها الجديدة «كلمة أخيرة» عبر موقع الفيديوهات يوتيوب، والتي قامت بتصويرها في لبنان.

والأغنية من كلمات محمد حسن، وألحان وتوزيع إسلام زكى، وتعتبر أغنية «كلمة أخيرة» هي أولى أغنيات الفنانة ليلى أحمد زاهر بشكل رسمى، وذلك بعدما خاضت تجربة الغناء حيث سبق وغنت في حفل تخرجها أغنية «سقفة» وسط تفاعل زملائها.

كلمة اخيرة كلمات

أنا من زمان خوفتنى
هزيتلى ثقتى وسبتنى
جيتلك عشان كان نفسى أعيش
وأنا جيا أعيش موتنى
بقى دى النهاية وده اللى بتحاسب عليه
أنا من زمان خوفتنى
ولغيت مشاعرى هزمتنى
إزاى هقول وبأى عين
شوفتك ف يوم بتحبنى
جاوب سؤالى وقولى مره كسبت إيه

حكايات وعود مين اللى قال
مش برضه كان إحنا
مين اللى علقنا ف غرام
وأذانا و جرحنا
حكايات وعود مين اللى قال
مش برضه كان إحنا
لو كان راحتنا ف الفراق ده ياريته ريحنا

و نهاية حبى فيك فى كلمة أخيرة ليك
محتاجه أنام
وأصحى ف يوم ألاقي قلبى نسيك
أنا طول حياتى كلها
حابسه مشاعرى لوحدها
قافله عليها الباب عشان
ماتجيبش حد يذلها

أنا كنت فاكرة ده اللى هيجيب الأمان
وأما فتحت الباب لقيت
أذيتها ومعاها إتأذيت
ياريت فضلت لوحدى يوم
ولا حد قرب منها
ولا حد حاول يبقى ليه أصلا مكان

حكايات وعود مين اللى قال
مش برضه كان إحنا
مين اللى علقنا ف غرام
وأذانا و جرحنا

حكايات وعود مين اللى قال
مش برضه كان إحنا
لو كان راحتنا ف الفراق
ده ياريته ريحنا

شكرآ عشان بإيديك قطعت علاقتي بيك
مستغربه إزاى ف يوم وقفت حياتي عليك