هندية عن فترة اعتزالها: كل وقتي كان في الصلاة والعبادة وعملت عمرة 11 مرة

كشفت الفنانة هندية عن سبب اعتزالها للفن مشيرا إلى أن وفاة شقيقها أثر فيها بشكل كبير، الأمر الذي جعلها تتخذ القرار ولكن الكاتب الكبير وحيد حماد أعادها مرة أخرى.

تحيا مصر يرصد في ذلك التقرير تصريحات هندية في برنامج المنسي

تصريحات الراقصة هندية

وأضافت هندية خلال حوارها مع الإعلامية انجي هشام في برنامج المنسي عبر قناة هي: "أستاذ وحيد حامد لما عرف قالي انتي مجنونة حد يعمل اللي انتي بتقوليه ده، قلتلوا اخويا توفى قدام عيني قالي كلنا هنموت".

وتابعت: الصدمة كانت أكبر مني وقلت ممكن اموت في لحظة أنا كمان، وأستاذ وحيد حامد اتصل بيا عشان انزل اروح فرح دينا وقالي بلاش عبط وأول ما قابلوني قالولي اي ده مكنتش قادرة أبررلهم.

هندية: عملت 11 عمرة غير الحج

وتحدث عن الفترة التي قضتها في الاعتزال:'قعدت في البيت ١٢ سنة معظم وقتي صلاة وعبادة، عملت ١١ عمرة غير الحج وتسبيح وقراءة قرآن، وكنت في وسط أخواتي وبعد ما اعتزلت ولاد اخواتي قالولي عاوزين ندخل الفن قاتلهم انتوا كنتوا رافضين أنا ادخل وقلتلهم ستوب لان الفن في مخاطر كتير جدا.

برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر مساءا ويستضيف عددا من نجوم الفن والإعلامين الذي غابت عنهم أضواء الشهرة والنجومية.

الراقصة هندية والحجاب

يذكر، أن هندية تحدثت عن ارتداءها الحجاب في تصريحات سابقة فقالت: كل رمضان كان بيجيلي هاجس إني ألبس الحجاب لحد ما حصل وفاة أخويا فقولت ان ده رسالة، وفي الفترة دي كنت بخلص صلاة العشاء وأخلص التسابيح فكنت في حالة زهق وبعد كدة بدأو يستدرجوني عشان أرجع الوسط الفني، وإلهام شاهين وهالة صدقي كانوا بيقبلوني ويرحبوا بيا بس كمنتجين مكنش فيه ترحيب".

اختتم الراقصة هندية حديثها عن قرار خلع الحجاب: “دا قدر  جدا ودخلت الوسط الفني وخرجت بقرار منه ورجعت بقرار منه وصلتي بربنا لحد وقتنا هذا بصلي وبسبح وبعمل كل حاجة وسألته كتير أوي على إنه لو لا مرجعش للتمثيل أو أبين شعري يديني إشارة وقرار رجوعي كان منه ومش قادرة أعترض على ده ”.