أنوشكا: مبعدتش عن الغناء بخاطري.. وحاطة ايدي على قلبي علشان فيلم وش في وش

كشفت الفنانة أنوشكا عن السبب وراء ابتعادها عن مجال الغناء، وذلك خلال مداخلة هاتفية لها ببرنامج حضرة المواطن مع الإعلامي سيد علي.

تحيا مصر يرصد تفاصيل تصريحات أنوشكا

تصريحات أنوشكا في حضرة المواطن

وقالت أنوشكا: الفترة اللي جاية اهتمامي هيبقى للغناء ولكن لما يبقى عندنا عمل درامي مبقدرش أتحرك لأننا بنشتغل 17 ساعة متواصل في اليوم.. وأنا مبعدتش عن الغناء بخاطري والسنتين اللي جايين هركز على الغناء.

وفي المداخلة نفسها، أعربت أنوشكا عن خوفها من أول تجربة سينمائية لها، فقالت: أنا حاطة ايدي على قلبي علشان فيلم وش في وش لأنه أول فيلم طويل سعيدة به لأنه هينزل كمان أسبوع ومخضوضة وكإني داخلة امتحانات ثانوية عامة.

أنوشكا في فيلم وش في وش

وسبق وأن تحدثت الفنانة أنوشكا عن تفاصيل أول فيلم سينمائي لها، “وش في وش”، وذلك خلال لقائها ببرنامج ET بالعربي.

وقالت أنوشكا: سعيدة جدا ب وش في وش لأن دا يعتبر أول فيلم سينما بالنسبالي، قد ما أنا بحب المواضيع الاجتماعية الجادة جدا، بس الكوميديا شداني طالما مش كوميديا فارس، طالما مفيش أفورة في الطرح، وفي رسالة حلوة بتتقال، ورسالة جادة جدا بس مغلفة بشكل ظريف لطيف.

وتابعت: الفترة اللي فاتت مكانش فيه سينما أقدر الاقي نفسي فيها، المواضيع الاجتماعية بتشدني سواء مسلسل ولا فيلم ولا مسرح ولا إذاعة.. ايه الرسالة اللي بتتقال، ومبسوطة لأنه من بختي طلع فيلم.

أنوشكا في جراند أوتيل

وعلى صعيد آخر، تحدثت الفنانة أنوشكا عن تفاصيل شخصيتها بمسلسل “جراند أوتيل”، وأكدت على أنها شخصية مغلوبة على أمرها، وذلك خلال لقائها ببرنامج “أسرار النجوم” مع المذيعة إنجي علي على محطة راديو “نجوم إف إم”.

حيث قالت أنوشكا: “قسمت مكنتش شريرة وهي مقتلتش هي بس قالت ورمت الطُعم وشخص تاني هو اللي نفذ، شخصية قسمت هانم مغلوبة على أمرها وعملت كل حاجة باسم الحب”.

وتابعت: "ست منحت كل مدخراتها وكل حاجة عشان جوزها وراح تزوج وجاب ابنه في بيتها تحت عيونها فتخيلوا مشاعرها هتكون ايه، وهي كانت شخصية مقهورة لأنها خلفت بنتين ثم زوجها تزوج الخادمة، فهي منحت حياتها لزوجها ثم تجدي هذا الشخص ترك كل هذا من أجل طرف التاني، والرجل بطبعه يكون أناني.. والست دايما بتبقى علشان تنجح الجوازة وبردو محناش قليلين”.