محسن جابر بعد تعرضه لأزمة صحية: تحسنت بسبب راغب علامة

كشف المنتج محسن جابر عن نصيحة راغب علامة له، والتي كانت وراء تحسن حالته الصحية، بعد تعرضه لوعكة صحية الفترة الأخيرة.

تحيا مصر يرصد لكم تصريحات محسن جابر

وقال خلال لقائه ببرنامج ET بالعربي: أنا صحتي مكانتش مظبوطة ومن حبي لراغب علامة نصحني إني أبطل سكريات ونشويات.

وتابع محسن جابر: بشكره جدا أنا من وقت الكلام ده وأنا خسيت حوالي 15 كيلو وصحتي بقت أحسن لأني اقتدت براغب علامة.

محسن جابر: راغب علامة أخ لم تلده أمي

وأضاف: راغب علامة أنا بحس إنه أخ لم تلده أمي ونجم جوا قلبي وبسعد لما بشوفه.. راغب يستاهل كل خير.

تعليق محسن جابر على فكرة استخدام الذكاء الاصطناعي

وفي وقت سابق، كان قد علق المنتج محسن جابر على فكرة إعادة إحياء صوت كوكب الشرق أم كلثوم و استخدام صوت الفنانيين عن طريق الذكاء الاصطناعي، وذلك خلال لقائه مع برنامج ET بالعربي، وقال محسن جابر: الذكاء الاصطناعي أعتقد أنه في الفترة الأولى هيبقى فوضى عارمة، لأنه لا بيقدم الإحساس والشعور ولا السلطنة، هيقدم الصوت وهنستفيد بيه في إيه؟ أنا بعتبره عبث وتفاهات لأنه ظهر على الساحة شوية أقزام وعايزين يعملوا أي حاجة للصدمة.

وأضاف: صعب نلعب في أصوات الفنانين العمالقة، أم كلثوم كان ليها ستايل ومدرسة، ولا إحنا هنلبسها شورت ونخليها تغني راب؟، الافتقار إلى العمل الجيد هو اللي مخليهم يعملوا أي كلام على الساحة علشان وسائل الإعلام تتسلط عليهم.

واستكمل: واللعب في الأغاني المصرية مؤامرة بكل الأركان، واستعمال الذكاء الاصطناعي ده موقعة هوى، أنا مش معترض على الذكاء الاصطناعي بالعكس، بس لما نيجي نجرب مش هنجرب على صوت الناس كلها بتعشقه، والذكاء الاصطناعي له إيجابيات أفضل من حالات العبث اللي بنشوفه.

خلاف محسن جابر وعمرو مصطفى

كما سبق وكشف أن سبب خلافه مع عمرو مصطفى أنه لم يستأذن قبل استخدام صوت أم كلثوم، مشيرا إلى أن عمرو أخذ منه فكرة تغيير صوت أم كلثوم لمطربة أخرى، موضحًا: دوشة عمرو مصطفى للدعاية والتسويق لنفسه، وأنا كنت بعمل حاجات صادمة ولكن إيجابية، وأنا مش زعلان منه وهو ولد من أولادي وغلطه فيا ربنا يسامحه، وأتمنى له الهداية وعايزة يكون أحسن ناس ويارب يكون نمرة واحد في اللي موجودين.