بسنت السبقي: كنت مخطوبة لـ تامر حسني زمان وكان رافض أني أشتغل في الإعلام

كشفت الفنانة بسنت السبقي عن تفاصيل خطوبتها من النجم تامر حسني، والسبب وراء ابتعادها عن العمل في الإعلام لفترة طويلة.

تحيا مصر يرصد تفاصيل تصريحات بسنت السبقي

علاقة بسنت السبقي بـ تامر حسني

وقالت بسنت السبقي في لقائها اليوم ببرنامج فيس أوف على شاشة تلفزيون قناة هي: أول حاجة اشتغلتها في حياتي مذيعة سياسة، وفجأة بقيت مش بشتغل، عشان كنت مخطوبة وكان خطيبي رافض ساعتها أن أنا اشتغل في الميديا، ووافقته ومكملتش في الشغل، وكنت ساعتها صغيرة ومش فاهمة ومش مستوعب، وأنا وهو أصدقاء جدا وهو نجم كبير، هو تامر حسني.

وتابعت: هو مكانش ليه رغبة أني اشتغل، ومش بيحب يكون فيه مواعيد متأخرة، أو حد يضايقني أو حد يزعقلي، والموضوع جه فجأة، احنا في أسبوع ارتبطنا، وسيبنا بعض باحترام، وهو من البني آدمين اللذاذ، ومش هو اللي رشحني لمسلسل آدم، واتعاملنا عادي، وهو كان مستغرب أني بقيت ممثلة، لأنه مكانش متخيل دا.

انتهاء تصوير فيلم تاج

وسبق وأن حرص النجم تامر حسني على توجيه رسالة خاصة إلى فريق عمل فيلم تاج، بعد الانتهاء من التصوير، وذلك من خلال منشور عبر حسابه الشخصي على موقع تبادل الصور والفيديوهات إنستجرام.

وكتب تامر حسني: إن شاء الله انتظرونا في العيد القادم، تاج.. ومن كل قلبي شكراً لكل الناس المحترمة الغالية اللي في الصورة واللي معرفوش يكونوا في الصورة اليوم ده في ناس كتير اوي تعبت في الفيلم ده اوي فوق الوصف بقولهم ربنا هيكرمنا بسبب تعبنا الخارق فعلاً اللي حصل في الفتره دي، يا رب اكرمنا.

رسالة تامر حسني للمخرجة سارة وفيق

وسبق وأن حرص الفنان تامر حسني على توجيه رسالة للمخرجة سارة وفيق، وذلك بعد تعاونهم للمرة الثانية من خلال فيلم تاج، الذي من المقرر عرضه في عيد الأضحى 2023.

وقال تامر حسني عبر حسابه الرسمي بموقع تبادل الصور والفيديوهات انستجرام من خلال خاصية ستوري: يا أستاذة سارة أنت مخرجة عظيمة وتستحقي كل الدعم، أنت وكل فرد اشتغل في الفيلم ده وثقتي الكبيرة فيكي وفي كل أفراد العمل هي اللي خلتني مشغلش ولا عنصر أجنبي في فيلم تاج، ويبقي فيلم مصري 100% بقيادة شباب مصري 100% ده غير إنك مخرجة مختلفة وقلبك جميل وعملتيلي فيلم من أعز أفلامي فيلم مش أنا.