سليمان عيد: مفيش خلاف بيني وبين أحمد السقا ومبفرضش نفسي على حد

كشف الفنان سليمان عيد علاقته بعدد من نجوم الوسط الفني من بينهم الفنان كريم محمود عبد العزيز، الذي اشتهروا بفيديوهات سويًا على التيك توك وحققوا نجاحات عريما في ذلك الوقت.

تحيا مصر يرصد في ذلك التقرير تصريحات سليمان عيد عن علاقته بنجوم الوسط الفني

سليمان عيد: أعرف كريم محمود عبد العزيز وهو طفل وطموحاته أكبر من أعماله

وقال سليمان عيد خلال حلوله ضيف على برنامج “كلام الناس" المذاع على شاشة قناة mbc مصر وتقدمه الإعلامية ياسمين عز: اعرف كريم وهو طفل في فيلم الناظر، واتقبلنا عند أحمد السبكي، وكان دايما طموحاته أكبر من أعماله في بدايته، ودرس اخراج لكنه نساه في الفن، وبقينا جيران وكنا بنقابل عند محمد إمام وكان عايز يمارس مهنة الاخراج وبدأنا نعمل الحاجات دي لوحدي وبعدين قولتله لازم تظهر معايا لان الحاجات دي عملت معانا مردود حلو جدا.

سليمان عيد: مفيش مشاكل بيني وبين السقا

وعن حقيقة وجود خلاف بينه وبين أحمد السقا، قال سليمان عيد: مفيش خلاف بيني وبين أحمد السقا، وأنا مبحبش اكلم حد كتير في حياتي بدون سبب ومحبش أما أكلم حد ميردش عليا وأحمد ساعات بيكون مشغول مردش، لكن مفيش حاجة بيني وبينه، واستقبلني كويس في سيدتي الجميلة كويس وأما رجع الشخص اللي كان عامل الدور مكاني في المسرحية طلبت منهم إنهم يرجعوه تاني لأني كنت ملتزم بحاجات تانية.

وأكد سليمان عيد انه طوال مسرته لم يطلب من زملائه في الوسط الفني عمل، فقال: عمري من أيام عادل إمام قولت لزميل ممثل انا عايز اشتغل، لو الدور مش محتجني مش هفرض نفسي على حد.

سليمان عيد: جأنا البيان التالي عملي نقلة كبيرة وعملت 112 فيلم

وتحدث سليمان عيد عن أعماله الفنية، فقال: جأنا البيان التالي من الأعمال اللي عملتلي نقلة كبيرة جدا، وأنا عامل 112 فيلم والواحد دايما بيجتهد إنه يطلع حاجة جديدة لنفسه، والواحد بيفتكر ان ليها وقت وبتتنسى لكن لسة فيه مشاهد الناس فكراها وبترددها لحد دلوقتي، وأكتر افيه معلم مع الناس بتاع القصيدة في فيلم عسكر في المعسكر.