سليمان عيد عن حياته الزوجية: محدش بيعرف عننا حاجة ومراتي السبب في نجاحي

تحدث الفنان سليمان عن حياته الزوجية وسبب نجاحها وعلاقته بزوجته وذلك خلال حلوله ضيفا على برنامج “كلام الناس” الذي تقدمه الإعلامية ياسمين عز على شاشة mbc مصر.

تحيا مصر يرصد في ذلك التقرير تصريحات ياسمين عز عن حياته الزوجية

سليمان عيد: اتفقت أنا ومراتي محدش يعرف حاجة عننا

وقال سليمان عيد خلال البرنامج: أول ما اتجوزت اتفقت مع مراتي  إن محدش يعرف حاجة عننا خالص وده سر نجاح زواجي، ومرة حصل مشكلة بينا وأهلها كانوا جايين دخلت غسلت وشها وكأن مفيش حاجة حصلت، عرفت وقتها إن بيتي هيكمل.

وعن علاقته بزوجته، قال سليمان عيد: اللي قاعد قدامك ده مراته ليها جزء في نجاحه لأنها موفرالي كل حاجة في حياتي فهي تنطبق عليها مقولة وراء كل رجل عظيم إمرأة.

سليمان عيد: الست لازم تبقى مقدرة الراجل بالفعل قبل الكلام

واستكمل حديثه، قائلا: الست لازم تبقى مقدرة الراجل وبتحترمه وميبقاش كلام قد ما هو أفعال، مراتي عمرها ماقالتي يا فرعون ولو اتقال الكلام باللسان ممكن يضعف الفعل، وممكن تقوليلها عشان ترضيني بالكلام بس لو خيروني يدوني الفعل.

وكشف عن رأيه في عمل المرأة مشيرا إلى أنه ليس ضد وذلك، موضحا: البيت نفسه عمل ولو شغلها هيأثر على البيت يبقى تقعد، مينفعش تسيب بنتها مهملة ومتعرفش عنها حاجة عشان شغل.

وكان قد تحدث سليمان عيد عن أول حب في حياته، فقال: كانت بنت الجيران و حب من طرف واحد وكنت بتكسف أقول الكلام ده ومرة بعتلها بحبك ورمتلها الورق وأهلي قالولي انت عيل صغير فبعدت وهي بعدت وبعدها كانت هي أخت صحبي واحترمت انه اخلص وبعدها اروح أتقدملها كانت هي اتجوزت بقى وروحت سمعت ظلموه.

أخر أعمال سليمان عيد

يذكر، أن أخر أعمال سيلمان عيد مشاركته في مسلسل "البيت بيتي"، وهو من بطولة كريم محمود عبد العزيز ومصطفى خاطر، كلا من محمد محمود عبد العزيز، وميرنا جميل، ومحمود حافظ، وسليمان عيد، وسامي مغاوري، وأوتاكا، وياسر علي ماهر، وعلا رامي، وعابد عنان، وأحمد عبد الوهاب، ومي القاضي، صبري عبد المنعم، وجلال الزكي، وعبد الرحيم حسن، وياسر الطوبجي، وهو من تأليف أحمد عبد الوهاب وكريم سامي وإخراج خالد مرعي، وحقق العمل نجاحات ساحقة خلال فترة عرضه.