بوسي عن طليقها: طلب مني حاجات مينفعش أقولها.. وهو ملوش فضل عليا.. وكنت أنا راجل وست البيت

كشفت الفنانة بوسي حقيقة قيامها بتأجير بلطجية للاعتداء على طليقها، وذلك خلال لقائها اليوم ببرنامج حبر سري مع الإعلامية أسما إبراهيم.

تحيا مصر يرصد تفاصيل تصريحات بوسي عن طليقها

وقالت بوسي: ممكن يكون هو اللي قال كدا للناس.. أنا مش عايزة أخوض في سيرته كتير، الله يسهله، وطول ما هو بعيد هني أنا تمام.. بس أنا لو عملت كدا هقول، ربنا حليم ستار دي كانت علاقة راحت بحلوها وبوحشها، أنا دلوقتي ست متزوجة معايا راجل وراجل قوي كمان وبحترمه، وكمان فيه طفل من طليقي فمش هينفع أقول أي كلمة وحشة تخص أبوه، وهو هيكبر وهيعرف كل حاجة لوحده.

بوسي: العلاقة دي وجعتني

واستكملت بوسي حديثها عن علاقتها بزوجها السابق قائلة: والعلاقة دي وجعتني ورجعتني ورا بسبب المشاكل، وهو كان سبب المشاكل، كلنا فينا عيوب، بس عيوبي مش بتضر، أنا عصبية شوية خلقي ضيق حبتين بس عمري ما أذيت حد، أنا بؤ على الفاضي.

واستطردت: مش هو بيقول أني صرفت عليها ؟.. جيبي صوري زمان وشوفي منظري، دا منظر واحدة اتصرف عليها الأرقام اللي هو كان بيقولها ؟، وأنا اللي كنت ست وراجل البيت، أنا اللي كنت بصرف وأنا اللي كنت بعمل كل حاجة.

واضافت: أنا مش بتكسف من أي مرحلة في حياتي، ودا شرف ليا أني شقيت وتعبت، ووصلت للي أنا فيه، وفيه حواليا ناس ساعدتني، أنا مطلعتش لوحدي، وهو مكانش ليه فضل عليا، وهو كان بياخد الفلوس اللي كنت المفروض اخدها .

هشام ربيع وانفصاله عن بوسي

وسبق وأن خرج هشام ربيع زوج المطربة بوسي للتعليق على أنباء انفصالهم بعد استدعاءها لسماع أقوالها في القضية المنسوبة إليه في سرقة  شيكات وإيصالات أمانة بنحو 8 ملايين جنيها من منتج فني يدعى فطين.

وقال هشام ربيع في تصريح خاص لـ موقع تحيا مصر: مفيش أي حاجة من الأنباء اللي بتردد صحيحة وبِشأن الانفصال محصلش وعلاقتنا طبيعية جدا وعلى علاقة طيبة مع بعض.

وكانت قد انتشرت أخبار وأقاويل في الفترة الأخيرة تفيد بوقوع الطلاق بين المطربة بوسي، وزوجها هشام ربيع، بعد إلقاء القبض عليه بتهمة سرقة شيكات، واستدعائها للتحقيق.