محسن جابر عن إحياء صوت أم كلثوم بالذكاء الاصطناعي: عبث وتفاهات

علق المنتج محسن جابر على فكرة إعادة إحياء صوت كوكب الشرق أم كلثوم و استخدام صوت الفنانيين عن طريق الذكاء الاصطناعي، وذلك خلال لقائه مع برنامج ET بالعربي.

تحيا مصر يرصد تصريحات محسن جابر. 

تصريحات محسن جابر

قال محسن جابر: الذكاء الاصطناعي أعتقد أنه في الفترة الأولى هيبقى فوضى عارمة، لأنه لا بيقدم الإحساس والشعور ولا السلطنة، هيقدم الصوت وهنستفيد بيه في إيه؟ أنا بعتبره عبث وتفاهات لأنه ظهر على الساحة شوية أقزام وعايزين يعملوا أي حاجة للصدمة.

وتابع: صعب نلعب في أصوات الفنانين العمالقة، أم كلثوم كان ليها ستايل ومدرسة، ولا إحنا هنلبسها شورت ونخليها تغني راب؟، الافتقار إلى العمل الجيد هو اللي مخليهم يعملوا أي كلام على الساحة علشان وسائل الإعلام تتسلط عليهم، واللعب في الأغاني المصرية مؤامرة بكل الأركان، واستعمال الذكاء الاصطناعي ده موقعة هوى.

تعليق محسن جابر على الذكاء الاصطناعي 

وأضاف: أنا مش معترض على الذكاء الاصطناعي بالعكس، بس لما نيجي نجرب مش هنجرب على صوت الناس كلها بتعشقه، والذكاء الاصطناعي له إيجابيات أفضل من حالات العبث اللي بنشوفه.

وسبق وقال المنتج الفني محسن جابر خلال استضافته في برنامج حديث الثاهرة والذي يقدمه الإعلامي خيري رمضان ويعرض عبر قناة القاهرة والناس: قابلت كتير تطلّع حد وفي الآخر يعورك وأنا اللي طلعت عمرو مصطفى والكل شاهد وكانوا يقولوا لي أدينا نص اهتمامك بيه، وانتهت العلاقة بينا لما حس أن هو كتير على الناس الآخرين.

وأشار إلى أن سبب خلافه مع عمرو مصطفى أنه لم يستأذن قبل استخدام صوت أم كلثوم، مشيرا إلى أن عمرو أخذ منه فكرة تغيير صوت أم كلثوم لمطربة أخرى.

أزمة محسن جابر مع عمرو مصطفى 

وأضاف: دوشة عمرو مصطفى للدعاية والتسويق لنفسه، وأنا كنت بعمل حاجات صادمة ولكن إيجابية، وأنا مش زعلان منه وهو ولد من أولادي وغلطه فيا ربنا يسامحه، وأتمنى له الهداية وعايزة يكون أحسن ناس ويارب يكون نمرة واحد في اللي موجودين.

وهاجم المنتج محسن جابر الفنان عمرو مصطفى، وذلك بسبب استخدامه صوت أم كلثوم بتقنية الذكاء الاصطناعي، رافضًا ذلك الأمر، وقال محسن جابر خلال مداخلة هاتفية لبرنامج "ملفات"، الذي تقدمه الإعلامية أميرة بدر، على شاشة قناة "هي": أنا إنسان كبير مش هنزل للمستوى ده، هي خناقة يا جماعة ده واحد عايز يشتهر.. لو له حق ادبي عنده محاكم بدل ما هو عمال يتنطط كذه يرووح المحاكم احنا مش فاضيين له احل ايه ده عيل وبقفل محطة بلاقيه طالع في محطة تانيه.

وتابع: هو مبيقعدش لحد  أصلا ولا بيحترم حد، وبيطلع يتكلم عليا واحد قد عيالي يقول بيتهرب من الضرائب، وأي حاجة هتتعمل لأم كلثوم هقفلها.