عائشة بن أحمد: فيه تشابه بيني وبين شيرين في مذكرات زوج ومقبلش أن راجل يسيطر عليا

فجرت الفنانة عائشة فهمي عدة تصريحات خلال حلولها ضيفة على برنامج كلمة أخيرة الذي تقدمه الإعلامية لميس الحديدي.

ويرصد تحيا مصر أبرز تصريحات عائشة بن أحمد.

عائشة بن أحمد في برنامج كلمة أخيرة 

درست الشخصيات اللي بتحب السيطرة زي شيرين في مذكرات زوج لقيتهم ضعاف من جوة وشخصيات هشة.

فيه تشابه بيني وبين شخصية شيرين في مذكرات زوج لأني شخصية مسؤولة وبحب كل  حاجة تتعمل بريفكت.

-مقبلش إن الراجل يسيطر عليّ أو أسيطر عليه ولازم يكون في توازن في العلاقة.

عدم التواصل والعند والاستهسال وضمان الوجود الدائم أهم أسباب هدم العلاقات.

-طارق لطفي طيب ومحترم ومش عايش في دور النجم والشغل معاه مريح جدا وبحبه من قلبي.

أمي تفهمت فكرة إني مش عايزة أتجوز دلوقتي وبطلت تقولي عايزة أفرح بيكي.

-أنا خايفة من الزواج لأنه محتاج مجهود كبير من الطرفين وخايفة أتعب أو أتوجع.

أبرز تصريحات عائشة بن أحمد 

ـ لو ظهر شخص حبيته ويستحق هقدم على خطوة الزواج.

-مواصفات فتى أحلامي إنه يكون شخص مثقف وواعي ويفهم الأفلام اللي تعبت فيها.

-أنا شخصية مش مادية ولكن لازم يكون شريك حياتي في نفس مستوايا عشان مايحصلوش عقد نفسية.

-أي علاقة بتحتاج مجهود من الطرفين لكن فكرة الضمان وأنها بتاعتك دي مش صح.

-بكره الكذب ومفيش حاجة اسمها كدبة بيضا لكن عادي إن الإنسان يرفض يتكلم في مواضيع معينة في حياته.

عندي مشكلة في العصبية ولجأت لـ لايف كوتش عشان ده ميأثرش على شغلي.

-سيد رجب زي النسمة في التصوير وبيتعامل زي الطفل ومتواضع جدا ومش عارف حجمه.

-ببذل مجهود كبير عشان ميتقالش عليّ وجه جميل بس.. وبفرح لما الناس تشوفني بمثل عشان موهبتي وقدراتي.

تأخر الإنجاب مش كارثة بعد وجود حل تجميد البويضات والتبني وحتى لو محصلش خلفة فهي مش نهاية الحياة وهفضل مبسوطة

-بعد وفاة والدي حسيت إن ضهري اتكسر وجبت ماما تعيش معايا في مصر.

مسلسل مذكرات زوج 

مسلسل "مذكرات زوج" بطولة طارق لطفى، عائشة بن أحمد، خالد الصاوي، سما إبراهيم، ادوارد، عمر الشناوي وسارة الشامي، علي الطيب، جيهان الشماشرجي، حازم إيهاب، فدوى عابد، هناء الشوربجى، الطفل آدم وهدان، الطفلة حبيبة، الطفلة ريتال ظاظا، والعمل مأخوذ عن رواية الكاتب أحمد بهجت، وسيناريو وحوار محمد سليمان عبد المالك، وإخراج تامر تامر نادى وإنتاج شركة أروما للمنتج تامر مرتضى.