إبراهيم عمران:هند رستم مارلين مونرو مصر.. ويوسف شاهين عنده النجم زي الكومبارس

كشف الريجسير ورئيس جمعية الكومبارسات إبراهيم عمران عن مواقف جمعته بالراحلين هند رستم وعمر الشريف، وذلك خلال حواره مع الإعلامية إنجي هشام في برنامج المنسي عبر قناة هي.

تحيا مصر يرصد تفاصيل تصريحات إبراهيم عمران في المنسي

تصريحات إبراهيم عمران في المنسي

وقال إبراهيم عمران: الجيل اللي ميعرفش هند رستم بقولهم دي مارلين مونرو مصر، مرة بعتني ليها الأستاذ يوسف شاهين ابعتلها دعوة ودخلت بقولها دي دعوة من أستاذ يوسف قالتلي أهلا باللي من ريحة الغالين ودخلت بيتها واتكلمت معاها.

وتابعت: وسألتني أول حاجه و قالتلي الناس اللي ورا الكاميرا أخبارهم إيه، قالتلي لولا الناس دي مكنتش هكون موجودة، إيه الجمال ده؟.

إبراهيم عمران في حسن ومرقص

وأضاف إبراهيم عمران: كنت مرة بعمل فيلم حسن ومرقص مع الاستاذ عادل والأستاذ عمر الشريف، وأستاذ رامي إمام عمل بريك في مشهد كبير كان فيه مجهود وأنا كنت واقف يسيطر على المجاميع، وطلبت كرسي  للاستاذ عمر الشريف قالي لا يا عم إبراهيم لما الناس كلها تقعد أنا هبقى أقعد.

وتحدث عن حياته مع المخرج يوسف شاهين قائلا : يوسف شاهين كان عنده النجم زي الكومبارس زي المجاميع كلنا عيلة واحدة وبناكل في طبق واحد.

برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة الحادية عشر مساءا ويستضيف عددا من نجوم الفن والإعلامين الذي غابت عنهم أضواء الشهرة والنجومية.

أحمد وفيق عن يوسف شاهين: متواضع جدًا

وفي وقت سابق، تحدث وفيق عن المخرج الكبير يوسف شاهين، فقال: “متواضع جدا وأسهل حد ممكن تتعامل معاه وهو اللي كسر عندي حتة النجومية كان بيقول لي لو شايف نفسك نجم ما تجيش”.

وتابع: “اتعلمت منه كتير أوي هو أثر في شخصيتي، علمني إن أخلي شخصيتي قوية وأقول آه ولأ وأرفض وأكون مؤثر وأنا اللي أختار مش حد يختارني حتى لو حلوة لأن اختياراتك هي أنت”.