مش بغير على خالد يوسف وآرائنا دايما مختلفة.. أبرز تصريحات شاليمار شربتلي

حرصت المذيعة سهير جودة على مشاركة الجمهور والمتابعين لقاء صغير لها مع الرسامة شاليمار شربتلي، زوجة المخرج خالد يوسف، وفي ذلك التقرير سيرصد موقع تحيا مصر أبرز تصريحاتها في اللقاء.

أبرز تصريحات شاليمار شربتلي

• خالد عمل أنه رومانسي وهو اللي اختار يسمي بنتنا على اسمي
• مش بغير عليه، هو اللي بيغير، أنا أغير ليه ؟.. دا مجاله.. هو أنا اتجوزت شيخ مسجد
• كنت بضرب العيال اللي بتضايقني وأنا صغيرة، أنا متربية مع 4 ولاد وللأسف كنت عنيفة
• الأم عمرها ما تبقى رقيقة.. الأم هي اللي شاطت عيالها وكسحتهم عشان يطلعوا رجالة
• أنا مش مع التربية الحديثة خالص، لأزم الطفل يبقى فاهم أنه عندك خطوط حمرا
• صفصف شخصية شعبية قربت من الناس وحبوها بجد
• أنا وهالة صدقي مختلفين تماما وبتستفزني واللي بيجمعنا الحب بس
• معنديش عتاب لخالد يوسف خالص، خالد وقت جمبي في أحلك المواقف وربنا يخليه ليا ولبنتي
• أنا وخالد يوسف آرائنا مختلفة ومفيش فكرة بتجمعنا

خالد يوسف ومخرجي مصر

وسبق وأن أوضح المخرج خالد يوسف حقيقة تحديه لمخرجي مصر، بسبب مشاهد المجاميع التي نفذها في مسلسل سره الباتع، وذلك خلال لقائه ببرنامج أسرار النجوم مع الإعلامية إنجي علي عبر محطة راديو نجوم إف إم.

وقال خالد يوسف: أنا متحدتش مخرجين مصر، ولكن قولت مخرجين مصر يقولولي القفزة اللي أنا عملتها في سره الباتع موجودة ولا لا، أنا عليت المستوى ولا نزلت بيه؟.. وأعظم فيلم تاريخي كان الناصر صلاح الدين وأنا متجاوزتوش.

وتابع: ولكن في الدراما التليفزيونية والسينمائية التاريخية أنا متجاوز اللي حصل كله في تاريخ السينما وعامل شكل جديد بالتكنيك والتصوير، وإزاي تعملي 2000 مجاميع وكأنك راسمة لوحة، ولما قولت أتحدى مخرجين مصر لأنهم بيفهموا وينظروا ويقولوا أنت عملت تطور محصلش من قبل في الأفلام التاريخية.. وأنا عمري ما قولت كلام فيه أي تعالي على الناس، ولكن أنا مش عامل مسلسل متواضع.

تفاصيل مسلسل سره الباتع

وعلى الصعيد الآخر، يشارك في مسلسل سره الباتع عدد كبير من النجوم والنجمات منهم: ويشارك في بطولة مسلسل سره الباتع نخبة من النجوم وهم أحمد فهمي، ريم مصطفى، أحمد السعدني، حنان مطاوع، حسين فهمي، نجلاء بدر، عمرو عبد الجليل.