أحمد طارق رجل أربعيني مطلق في مسلسل ليه لأ 3

كشف الفنان أحمد طارق، عن تفاصيل شخصيته في مسلسل ليه لأ 3، بطولة الفنانة نيللي كريم، والمقرر عرضه على منصة شاهد VIP.

تحيا مصر يرصد تفاصيل شخصية أحمد طارق في مسلسل ليه لأ 3.

تصريحات أحمد طارق 

وقال أحمد طارقخلال لقائه مع منصة شاهد: بقدم شخصية كريم شعلان، هو رجل أربعيني، مطلق، وعايش حياة بسيطة عادية، وبيمر بظروف اجتماعية، وبيقع في ظروف بتخليه ياخد قرارات مصيرية، وإنه يكون أقل أنانية، ويعمل اللي يسعد اللي حواليه على حساب هو عايز إيه.

وتابع: شخصية كريم بتعكس الشخصية المتوسطة بظروفها الاجتماعية البسيطة، وكل المشاهد في العمل بالنسبالي صعبة، بس أصعب لحظة لما وقفت قدام الفنانة نيللي كريم، وبمثل معاها لأول مرة، وكنت مخطوف طبعًا وحاسس إني مش عارف أعمل إيه.

مسلسل ليه لأ 3

وأضاف أحمد طارق عن أوجه التشابه بينه وبين شخصية كريم في المسلسل: الظروف المشتركة بينا أنا وشخصيتي في العمل، إن أنا كمان مطلق، وسننا قد بعض كمان، وارتباط الشخصية بوالدته زيي في الحقيقة.

واختتم حديثه قائلًا: مسلسل ليه لأ يميزه إنه بيناقش مشكلات اجتماعية موجودة في حياتنا بس محدش بيتكلم عنها بشكل مباشر، وهو بيتناولها بشكل واسع، وبعتبره تجربة جديدة عليا وتحدي ساعدني أطلع حاجات جوايا أول مرة الناس هتشوفها.

أبطال مسلسل ليه لأ 3

مسلسل ليه لأ 3 من بطولة نيللي كريم إلى جانب النجوم صلاح عبد الله، عايدة رياض، أحمد طارق، نادين، معتز هشام، والعمل من تأليف مريم نعوم وإخراج نادين خان، وتجسد نيللي كريم خلاله شخصية امرأة مطلقة تدعى "شيري" ولديها ابن يجسد دوره الممثل معتز هشام، فيما يظهر الفنان صلاح عبد الله بشخصية والدها.

ونشرت نيللي كريم البوستر الرسمي لـ مسلسل ليه لأ الموسم الثالث عبر صفحتها الرسمية بموقع التواصل الإجتماعي “فيسبوك”، وعلقت عليه: “مسلسل ليه لأ الجزء الثالث قريبا علي شاهد”.

وتحدثت نيللي كريم عن قصة مسلسل ليه لأ الموسم الثالث، فقالت: "العمل بيتكلم عن الست المطلقة لما تيجي تتجوز وفكرة إن ليه الولد بالذات يتقبل زواج الأب ولا يتقبل زواج الأم.. الفكرة دي محصلتش معايا ولكن ده شيء طبيعي وبيحصل”.