محمد منير: يوم موت أمي دخلت الحمام وغنيت

فجر الكينج محمد منير عدة تصريحات خلال مؤتمر صحفي أُقيم على هامش حفله جدة بعنوان مشواري.

تحيا مصر يرصد تصريحات محمد منير. 

تصريحات محمد منير

وقال محمد منير: بلا مجاملة أنا معملتش حاجة غير إني ركبت الطيارة بس وفي مصر مش بركب طيارة فحسيت إني مسافرتش انا في بلدي بردو، تكريم هنا له معنى وأي تكريم في حياتي له معنى، التكريم تصقيفه في حياتي زيادة ابتسامة مضيئة في حياتي.

وتابع: أنا واثق إن الأغاني لما بتتردد بتبقى زي الهوا والماية، خصوصًا إن الأغنية العربية لما بتنجح بتوصل لكل حد فينا.

محمد منير في المملكة العربية السعودية 

وأضاف: حب الغناء.. معنديش شغلانة غيره.. أنا بصحى وأنام بفكر معنديش غير الغناء، بتذكر اليوم اللي توفت فيه أمي من كام سنة، فدخلت الحمام لقيت نفسي بغني في لحظة، واتخضيت وقولت الحدث عندي جلل النهارده، الغناء مش بيسبني في أي لحظة، هو حلمي وأملي.

واستطرد: كنت أتمنى أكون متواجد في حفل تكريم الموسيقار هاني شنودة، أنا جزء من مشوار هاني شنودة، جزء أصيل يعني، ويا رب يدينا العمر ونحتفل بالمشوار تاني وتالت ورابع.

حفل محمد منير 

واستكمل منير: جزء من تكويني الفني غنيت نوبي وصعيدي وجعفري وعبادي، مصر غنية بأنواع فنون كتيرة وانا مكنتش أسير القاهرة بس، أنا غنيت لكل أنواع الفنون، حتى الفن الشعبي.

محمد منير يعبر عن حبه للمستشار تركي آل شيخ

وأضاف: يسعدني أقول عليه النهارده أخويا وصديقي تركي آل الشيخ، وعلى فريق العمل المنتقى بجدية، وشايف إنهم خلية نحل وأنا تقريبا منضم لعيلتي معاكم ده لو وافقتم أنتم يعني، مشواري كله طعم بيوت وطعم الغنا.