أحمد داود يتخطى حاجز الـ 30 مليون جنية بفيلم يوم 13

حقق الفنان أحمد داود، نجاح واسع في شباك تذاكر الأفلام  بفيلم يوم 13، حيث تخطى أمس حاجز الـ 30 مليون جنيه مصري منذ طرحه بدور العرض السينمائية.

تحيا مصر يرصد إيرادات فيلم يوم 13.

فيلم يوم 13

فيلم يوم 13، أول فيلم رعب بتقنية الـ3D في مصر والشرق الأوسط، وتدور أحداثه في إطار من التشويق والإثارة من خلال قصر مسكون بالأرواح، وتحدث داخله أشياء خطيرة، يكتشفها الشاب العائد من الخارج، والذي يعد الوريث الشرعي والوحيد لهذا القصر.

أبطال فيلم يوم 13

الفيلم من بطولة أحمد داود، جومانا مراد، شريف منير، نسرين أمين، مجدي كامل، محمد ثروت، فيدرا، محمد الصاوي، أحمد زاهر، أروى جودة، جيهان خليل، تأليف وإخراج وائل عبدالله، إنتاج أوسكار.

تصريحات أحمد داود 

من جانبه، قال أحمد داود خلال استضافته في برنامج معكم التي تقدمه الإعلامية منى الشاذلي ويعرض عبر قناة سي بي سي: بختار السينما أكتر من المسلسلات لأن أنا بحب السينما أكتر، ولو جالي مسلسل أو فيلم بختار الفيلم بس في مسلسلات مش بتتعوض.

وتابع: فيلم يوم 13  أعلى فيلم بيجيب إيرادات لغاية دلوقتي، وأطمنت أن أول ما بعمل حاجة وتنجح الناس بتجبلي الحاجات اللي عملتها قبل كده ومش خايف لو مكنتش موجود في فترة بس لازم أعمل حاجة تشرف.

وكشف أحمد داود: أول أجر خته  في حياتي 150 جنيه وقالي هديك المبلغ ده قولتله كتير عليا، ومكنتش اعرف انهم هيجبولي الهدوم وروحت جبت هدوم بالـ 150 جنيه.

كما تحدث داود عن علاته بالفنانة علا رشدي وقال:  لما اتعرفت على علا هي كانت أشهر مني وأنا مكنتش عايز منها حاجة ولا هي عايزة مني حاجة، وأنا شايف أن رحلة الاستثمار الحقيقي مع العيلة.

أحمد داود: علا دايمًا في ضهري وبتشجعني
واستكمل أحمد داوود: علا علمتني كل حاجة من غير ما تاخد بالها، وهي دايمًا الاساس واللي بتعمل الخطط وتقولي هنعمل إيه، وخلتني أحسن وأجرب حاجات كتير، ودايمًا بتشجعني وفي ضهري.

وتابع: علا بتحب السفر جدًا وعندها كهربا زيادة وبتكلمني الصبح في مواضيع كبيرة جدًا وبتفضل تعملنا خطط.