جيهان قمري: الوسط الفني ابتعد عني عشان مش مزيفة.. وعمري ما أتصلت بفنان طلبت شغل

كشفت الفنانة جيهان قمري، سبب اختفائها وابتعادها عن التمثيل السنوات الماضية، وقلة عروض الأعمال عليها من قٍبل المنتجين.

تحيا مصر يرصد تفاصيل تصريحات جيهان قمري في قعدة ستات

سبب ابتعاد جيهان قمري عن التمثيل

وقالت جيهان قمري خلال لقائها مع الإعلامية مروة صبري ببرنامجها “قعدة ستات” الذي يذاع على شاشة “القاهرة اليوم”: أنا بتعامل على أني برا الوسط الفني فعلا عشان أنا براه بقالي سنين، معملتش دراما من 4 سنين، واشتغلت مسرح مع الفنان محمد صبحي من سنتين.

وتابعت جيهان قمري: مش عارفة ليه مبيتعرضش عليا أدوار أو المنتجين يكلموني، وبستغرب الناس اللي بتكلمني تقولي إيه ده أنتِ هنا؟؟، بقولهم ما أنا هنا عايشة في مصرهكون عايشة فين.

جيهان قمري: ابتعدت عن الفن عشان مش مزيفة

واستكملت جيهان قمري كاشفة سبب ابتعاد الوسط الفني عنها، قائلة: عشان أنا مش مزيفة، ومبعرفش أقول لحد أنت حلو وحبيبي وأخده بالحضن، ومعرفش أقول لحد أنت عامل حاجة حلوة من ورا قلبي ، شخصية صريحة وبديك في وشك زي ما بيقولوا، بقالي 20 سنة في الوسط الفني عمري ما زعلت حد، بخلص شغلي وبمشي على طول جيهان قمري الممثلة انتهت في الاستوديو.

وأشارت جيهان قمري إلى أن لديها جميع أرقام الفنانين ولكنها لم تتصل يومًا بأحد لطلب عمل، قائلة: عمري ما اتصلت بحد وطلبت منه شغل، الفن دلوقت كله شلالية وكل شلة بتشتغل مع بعض على طول، وفي ناس بتعمل أدوار صغيرة وبتظهر في كذا عمل، ولكن أنا معرفش أعمل ده لأني مش كده، ودايما طول عمري المخرج أو المؤلف اللي بيشوفوني في الدور بيبعتولي".

برنامج “قعدة ستات” تقدمه الإعلامية مروة صبري على شاشة “القاهرة اليوم”، وتستضيف خلاله عددًا من نجوم الفن، ويعرض يوم السبت من كل أسبوع في تمام الساعة 9 مساءً.

تجربة زواج جيهان قمري

وفي الحلقة ذاتها، تحدثت الفنانة جيهان قمري عن تفاصيل زيجتها الوحيدة التي انتهت بالطلاق، وقررت بعدها عدم خوض تجربة الزواج مرة أخرى، موضحةً أنها تعرضت للضرب والإهانة وكان يعيش بمنزلها وتنفق عليه أموالها.

وقالت جيهان قمري خلال استضافتها في برنامج “قعدة ستات” مع الإعلامية مروة صبري على شاشة قناة “اليوم”:  كانت تجربة وحشة وندمانة عليها، ندمانة إني قمت بالتجربة دي للأسف، التجربة عملتلي حالة بلوك لأي حد في حياتي للأسف، ومش عيب الواحد يتوجع بالعكس أنا من الشخصيات اللي أي حاجة توجعني أو بحس إنها تكسرني بتقويني أكتر بتخليني أعيد حساباتي تاني وأبص للحكاية من منطلق تاني خالص.