سوسن بدر: الست اللي تستغنى عن شغلها عشان أولادها بتحقق ذاتها أكتر بشرط تكون متعلمة

كشفت الفنانة سوسن بدر عن رأيها في السيدة التي تستغنى عن عملها من أجل أبنائها، وذلك خلال لقائها اليوم ببرنامج أسرار النجوم، الذي تقدمه الإعلامية إنجي علي ويذاع عبر محطة راديو نجوم إف إم.

تحيا مصر يرصد تفاصيل تصريحات سوسن بدر في برنامج أسرار النجوم

سوسن بدر في برنامج أسرار النجوم

وقالت سوسن بدر: الست اللي متعلمة بس مش بتشتغل عشان خاطر أولادها أنا شايفة أنها كدا بتحقق ذاتها أكتر من أنها تنجح في شغل عشان تبقى دكتورة ناجحة.. فيه عشر آلاف دكتورة ناجحة.

وتابعت: لكن عشان تطلعي جيل متعلم ومتربي وعيالك شبعانين من حضنك ومن تربيتك ومن أخلاقك.. لو قادرة الست تستغنى عن شغلها وتعيش أم بجد.. بس أم متعلمة وواعية ومثقفة أنا شايفة أن دي حاة مهمة جدا جدا أكتر من أي حاجة تانية.

سوسن بدر والمخاطرة

وفي الحلقة ذاتها، أكدت الفنانة سوسن بدر على أنها شخصية تحب المخاطرة، لكنها مازالت تخاف من كل عمل جديد تشارك فيه، حيث قالت سوسن بدر: أنا شخصية بحب المخاطرة، ولكن ما زلت بخاف مع كل عمل جديد وقبل وبعد كل مشهد، وأقول دايما هل هعرف أوصل الرسالة والفكرة اللي في الموضوع ولا لا، وأول حاجة بدور عنها في الاسكريبت هو الموضوع ومش بحب أكرار أدواري، وبمجرد ما بلاقي اختلاف في الدور عن التاني قمت بيه أكبره وأبروزه.

وتابعت: ومؤخرا قدمت أدوار الأم والجدة ولكن مفيش بني آدم زي التاني ولما لحظة الاختلاف في الشخصية بمسك فيها وبنشتغل عليها، والأم في مسلسل جميلة غير الأم في بابا المجال.

السبب وراء ارتداء سوسن بدر غطاء للشعر في “أم الدنيا”

وفي وقت سابق، حرصت الفنانة سوسن بدر على توضيح السبب وراء قيامها بارتداء غطاء للشعر في بعض مشاهد أفلام "أم الدنيا"، حيث كشفت أن ذلك ليس له أي توجه ديني أو سياسي أو فكري، كما أنه لا يعتبر فرض هوية معينة على السيدة المصرية.

وجاء ذلك في بوست نشرته الفنانة سوسن بدر عبر حسابها الشخصي على موقع تبادل الصور والفيديوهات "إنستجرام"، حيث نشرت صورة لها من أحد مشاهد أفلام "أم الدنيا"، وعلقت عليها قائلة: "للتوضيح للجميع، ظهوري مرتدية غطاء للشعر في بعض مشاهد أفلام أم الدنيا ليس له أي توجه سياسي أو ديني أو فكري".