هشام عاشور عن نيللي كريم: الجوازة دي ضراني.. ولحد قبل التصوير بيوم مكانتش بتتكلم صعيدي

علق الفنان هشام عاشور على الانتقادات التي طالته بعد مشاركته في مسلسل عملة نادرة مع زوجته النجمة نيللي كريم، وذلك خلال لقاء له ببرنامج الراديو بيضحك مع الإعلامية فاطمة مصطفى.

تحيا مصر يرصد تفاصيل تصريحات هشام عاشور

وقال هشام عاشور: الجوازة دي ضراني جامد، أنا راجل بطل، لمدة حاجة وعشرين سنة بتمرن 7 ساعات في اليوم، وبزحف على التراب عشان أوصل لحتة معينة.. ودلوقتي ناس كتيرة أوي غصب عنها بسبب السوشيال ميديا محدش بيستثمر في نقسه وعمال يبص على جنبه.

هشام عاشور في عملة نادرة

أما عن كيفية تعامله مع اللهجة الصعيدية في المسلسل فقال: أنا لفيت العالم كله، وبقدر أتكلم لغات كتير بلكنات مختلفة، وبالنسبة للصعيدي أستاذ عبد النبي الهواري أشتغل معايا عليها، وشخصيتي كان فيها نقلات كتيرة جدا.. وأنا استمتعت لأني بحب الصعب جدا ومش داخل عشان أخد لقطة وعندي طموحات فظيعة في التمثيل.

وتابع: نيللي لحد قبل التصوير بيوم بالظبط مكانتش بتتكلم صعيدي، وأول يوم تصوير أنا كنت مرعوب، وكلمت الناس وكلمت أستاذ عبد النبي راح بعتلي لقطة صورها لنيللي ببص جالي حالة ذهول، بتتكلم صعيدي كأنها مولودة في الصعيد وكله اتكهرب.

واضاف: أنا بتكلم صعيدي لحد دلوقتي مع الناس كلها في الشارع، ودا بيبسطني جدا لأن حابب الصعيدي ومش عارف أوقفه، لكن نيللي بتعرف تفصل، وهي متحاملة جدا وقوية جدا، نيللي تبان طيبة بس هي ذكية واختياراتها قوية.

تفاصيل مسلسل عملة نادرة

ومن الجدير بالذكر أن مسلسل عملة نادرة يشارك في بطولته عدد كبير من النجوم والنجمات، منهم: نيللي كريم، جمال سليمان، جومانا مراد، أحمد عيد، كمال أبو رية، فريدة سيف النصر، ندا موسى، محمد لطفي، على الطيب، مريم الخشت، هشام عاشور، نهى صالح، ومحمد فهيم، رمزى العدل، وئام مجدى، بالإضافة إلى عدد كبير من الفنانين الشباب، والمسلسل من تأليف مدحت العدل، وإخراج ماندو العدل.

وتدور قصة مسلسل عمل نادرة حول صراع نيللي كريم مع عائلة زوجها بعد وفاته وترفض الاستسلام لحرمانها من الميراث، وتخوض حربًا من أجل الحصول على حقوقها، ومن المقرر أن يحقق العمل نجاحات كبيرة خلال فترة عرضه على شاشة قنوات سي بي سي، ومنصة شاهد الإلكترونية وأيضا منصة واتش ات الرقمية.