خاص| طارق والي: أعمالي لازم تكون مشرفة ليا ولولادي ومش شايف إن فيه مانع نتفرج على مسلسلات في رمضان

كشف الفنان طارق والي عن تفاصيل شخصيته في مسلسل الناقور، الذي يخوض بطولته إلى جانب نخبة من نجوم الفن من بينهم الفنانة أيتن عامر والفنان محمد رياض.

تحيا مصر يرصد في ذلك التقرير أبرز تصريحات الفنان طارق والي

طارق والي: بعمل في الناقور شيخ بدوي وأعمالي لازم تكون مشرفة ليا ولولادي

وقال طارق والي في تصريح خاص لـ موقع تحيا مصر، كاشفًا عن شخصيته في مسلسل الناقور: أنا بعمل في مسلسل الناقور رجل شيخ بدوي ودي بالنسبالي حاجة جديدة واتمنى تلقى قبول ونجاح مع الناس.

وعن معاييره في اختيار أدواره: مبعملش الا الأعمال اللي بتكون مشرفة ليا ولولادي ولأصدقائي ولأهلي إنما اي أعمال تانية مش بتاعتي.

طارق والي: مبحبش الانتقادات اللي بتبقى على الفنانين لأننا ساعات بنقبل الدور عشان ده أكل عيشنا

وأوضح طارق والي رأيه في عدد من الموضوعات من بينهم الانتقادات التي تلاحق الفنانين على السوشيال ميديا، فقال: مبحبش الانتقادات والنقد ده لازم يبقى من حد فاهم، فيه ناس بتشكر وبتعرفني ان كنت كويس ومش كويس، في شغل بنشتغله عشان حابينه ووساعات بنقبل الدور عشان أكل عيشنا.

وعن رأيه في تصريحات بعض النجوم برفض مشاهدة الأعمال الدرامية في رمضان، قال طارق والي: مش فاهم فين المشكلة ما تعمل اللي عليك صلي وصوم وكل حاجة لكن اي اللي يمنعك إنك تتفرج على المسلسلات؟.

طارق والي: كنت القاضي في مسلسل حضرة العمدة وبحبه لأنه ناقش قضية نيرة أشرف

وتحدث طارق والي عن أعماله الفنية في رمضان فقال: في مسلسل حضرة العمدة كنت القاضي وبحب المسلسل ده جدا، هي كانت شاغلة مصر كلها عشان عن نيرة أشرف فكنا عايزين نشوف رد فعل القضاء عاملة ازاي، وضرب نار كنت حابة المسلسل ده جدا.

جدير بالذكر، أن مسلسل حضرة العمدة يشارك في بطولته الفنانة روبي إلى جانب كل من النجوم أحمد رزق، بسمة، رياض الخولي، صلاح عبدالله، سميحة أيوب، وفاء عامر، محمود عبدالمغني، دينا، نهلة سلامة، والعمل من تأليف إبراهيم عيسى وإخراج عادل أديب، ومن إنتاج ريمون مقار ومحمد محمود عبد العزيز.