خاص| مونيا: انفصلت عن خطيبي مرتين وكان عندي نية أرجعله بس اكتشفت وفاته امبارح

تحدثت الفنانة مونيا، بطلة مسلسل الحاج متولي، عن تفاصيل قصة حبها لخطيبها التي شهدت مرتين انفصال، معربة عن صدمتها حين اكتشفت وفاته.

تحيا مصر يكشف تفاصيل قصة مونيا وخطيبها

قصة مونيا وخطيبها

وقالت الفنانة مونيا في تصريحات خاصة لموقع تحيا مصر: كل الناس عايزة تعرف أنا ليه متجوزتش الإنسان اللي اتخطبتله وايه اللي حصل، وأنا مخدتوش من مراته، أنا في الحقيقة اتخطبتله ومراته بنفسها كلمتني وباركتلي، الكلام دا من حاجة وعشرين سنة، وأنا اتبسطت جدا بحاجة زي دي أنها بتحصل، وكان بالنسبالي ازاي في زوجة بتقول لجوزها مبروك أنه خطبني.

وتابعت: أنا كنت متأكدة أني هلبس فستان أبيض وأننا أكيد هنتجوز، وكان بيقنعني أسيب الفن، ولما عملت الحادثة هو ساب شغله عشاني، وقعد تحت رجليا، وفضل جمبي ومسابنيش، وقالي اعتقد أنك اقتنعتي وهتسيبي الفن ونكتب الكتاب قولتله تمام، فقالي أنا مسافر اليونان ولما نرجع هنكتب الكتاب.

مونيا: اكتشفت وفاته امبارح

واضافت: بس أنا كنت غبية جدا وعملت حاجة دون قصد، نزلت حفلة من الحفلات الكبيرة عندي في إسكندرية حفلة مصطفى قمر، وكنت عايزة أوصل لخطيبي رسالة أني قمت وأشتغلت بس هسيب الفن عشانك أنت، وهو عرف وقفل الاتصال معايا تماما.

واختتمت: وبعدها اتجوزت المنتج محمود يوسف أبو ولادي، وبعدها بتسع سنين انفصلنا وخطيبي جالي تاني وقالي نتجوز ووافقت، وبسبب ولادي متجوزناش، وامبارح أكتشفت أنه مات وكانت صدمة كبيرة أوي.

مونيا في برنامج بوضوح

وسبق وأن قالت الفنانة الاستعراضية والممثلة مونيا إن الموسيقار الكبير الراحل بليغ حمدى، هو من اكتشفها وأدخلها عالم الفن، وأوضحت «مونيا» والتى اشتهرت بدور الزوجة الرابعة في مسلسل «الحاج متولى» أنها تعرفت على بليغ حمدى في احد الافراح بمدينة الاسكندرية وعندما علمت بوجوده فرحت وذهبت لمقابلته مشيدةً بشخصيته الرائعة.

وأضافت مونيا خلال استضافتها ببرنامج بوضوح مع عمرو الليثى: «قمت بغناء اغنية للراحل عبدالحليم حافظ وكان بليغ حمدى سعيداً بخامة صوتى وغنائى ومن هنا بدأت حياتى الفنية واستمرت اللقاءات بينى وبين بليغ حمدى وهو من اختار اسم مونيا ليكون اسم الشهرة لى».