منى هلا: معنديش حلم العالمية.. وسيبت هوليود عشان مقدرتش اتعامل مع فرق الطبقات

تحدثت الفنانة منى هلا عن تفاصيل عملها في أوروبا وهوليود، وحقيقة حلمها بالعالمية، وذلك خلال لقاء لها ببرنامج الستات المذاع على شاشة تلفزيون قناة النهار.

تحيا مصر يرصد تفاصيل تصريحات منى هلا في برنامج الستات

تصريحات منى هلا في برنامج الستات

وقالت منى هلا: بتعامل مع مهنة التمثيل على أني ممثلة تحت الطلب، زي الدكتور وزي المهندس، والتمثيل برا مش سهل، أنا تتلمذت على يد ناس عظماء جدا في مصر وبرا مصر، وهما معلمني ازاي احترم المواعيد، وزمايلي على المسرح.

وتابعت: النظام الرأسمالي في أمريكا كان بالنسبالي مش مناسب لشخصيتي، أنا مبحبش الفرق الطبقي بين الأغنيا والفقرا الكبير، في أوروبا معظم الناس عايشين طبقة وسطى.

وأضافت: أنا كنت بشتغل في هوليود كويس، بس مقدرتش اتعامل مع فرق الطبقات الزيادة عن اللزوم، أنا معنديش حلم العالمية، وفكرة أني بمثل في أكتر من بلد حاجة رضياني.

منى هلا: مش عايزة أبقى أم

وسبق وأن كشفت الفنانة منى هلا أنه لا تريد أن تنجب أطفال كما تحدثت عن التحرش الذي يتعرض لها السيدات في مصر، وعن التفرقة العنصرية بين الرجل والمرآة.

وقالت هلا خلال برنامج حكايتي الذي يعرض عبر منصة Girls’ Space: في ستات كتير جدًا مش بيحبوا يخلفوا أو يتجوزوا والناس شايفة أن الست لازم تتجوز وتخلف عشان يبقى عندها قيمة بس أنا شايفة أن الست بتستمد قيمتها من شغلها وشخصيته ومش لازم تبقي تابعة لزوج.

وتابعت: مش بحب الفرضيه بتاعت أن كل الستات لازم تخلف ولازم تحب  الأطفال، وانا قررت من فترة إني مش عايزة أبقى أم دي مش شخصيتي خالص.

وعن التحرش قالت هلا: التحرش موجود في العالم كله لكن هو زيادة عندنا هنا في مصر، وانا سعيدة ان مؤخرًا الناس بدات تتكلم والست لما يتم التحرش بيها بيجيلها تروما خصوصا ان لو عمل كده حد من قرايبها او رئيس العمل بتاعها.

أخر أعمال منى هلا

ومن الجدير بالذكر أن أخر أعمال منى هلا سيت كوم بستان الشرق، في حلقات منفصلة متصلة، تدور أحداث المسلسل حول المواقف والمفارقات الكوميدية التي تحدث داخل فندق (بستان الشرق)، وتعكس ما يحدث في العالم من أحداث كبرى على المجموعة المتواجدة داخل الفندق من إدارة وموظفين ونزلاء.