رضوى الشربيني تحيي ذكرى ميلاد والدتها: هتفضلي وحشاني لحد ما أشوفك

حرصت الإعلامية المصرية رضوى الشربيني، على إحياء ذكرى ميلاد والدتها الراحلة هالة أنور، حيث يوافق اليوم الأربعاء الموافق 14 يونيو.

تحيا مصر يرصد إحياء رضوى الشربيني لذكرى ميلادها والدها. 

ذكرى ميلاد والدة رضوى الشربيني

ونشرت رضوى الشربيني مجموعة من الصور لوالدتها هالة أنور عبر حسابها الشخصي بموقع التواصل الاجتماعي فيسبوك وعلقت عليها قائلة: عيد ميلادك في الجنة يا أمي، ربنا يرحمك ويغفر لك حبيبتي، هتفضلي وحشاني لحد ما أشوفك يا أحن مخلوق في الدنيا.

تصريحات رضوى الشربيني

على الصعيد الآخر قالت رضوى الشربيني خلال برنامج أنا والقناع: شرف ليا إني إمرأة ومكنتش أحب أتخلق راجل ولو حد شايفني تهمة فده في نظر أشباه الرجال، وأنا مبسمحش لنفسي إني انهار ومعظم الوقت متفائلة وراضية وكل حاجة بتحصل خير عشان رب الخير ما بيجبش الا الخير".

رضوى الشربيني في أنا والقناع

وعن تداول فيديوهاتها التي دائما ما تكون مناصرة للسيدات، قالت رضوى الشربيني: “معرفش مين صدر إن رضوى الشربيني بتقول للست اضربي الراجل بالنار، أنا دايما بقول للست حبي جوزك وشيلي في عينك ومن 7 سنين ليا تصريحات بقول فيها اتزيني لجوزك ولو جاي من الشغل تعبان وطي صوتك واتكلمي معاه براحة ولو لزم ماية بملح وقادرة تعملي ده اعملي”.

وتطرق بحديثها عن تحريف بعض تصريحاتها والذي كان من بينهم تصريح “الست مش ملزمة تبات في بيت جوزها”، فأوضحت رضوى الشربيني حقيقته، قائلة: “أنا كنت مستضيفة داعية وبتريق على وادة بتقول الست مش ملزمة تبات في بيت جوزها والسوشيال ميديا قصوه، هو فيه واحدة محترمة بتشتغل وسط محترمين هتقول كدة.. إمال تبات فين؟ دا أنا كدة مش معقدة أنا فاسقة”.

وعلقت على سجود زوجة حسن شاكوش له في حفل الزفاف، معربة عن استيائها من ذلك الأمر، فقالت: “حركة أوفر جدًا بصراحة واللي بيسجدوا هما الرجالة وبتكون في ماتشات الكورة.. احنا أخرنا نشوف العرايس تبوس ايد أو كتف جوزها أو تحضنه حتى، لكن أنها تسجدله !! مشوفتهاش قبل كده”.

وتابعت الشربيني: “ازاي واحدة هانم، ست، ليدي تنزل على ركبها ومن ركبها على الأرض وقدام الناس وبفستان الفرح !! ميصحش كده وبنبهكوا عشان الموضوع ميبقاش تريند ونلاقي كل واحدة نزله تسجد للمتجوزاه.. أنا أسجد لربنا على جوزي في أوضة نومي مش وسط الناس كلها”.