مصطفى قمر يكشف سبب اختيار نجله تيام في أولاد حريم كريم: البنات بيحبوا يتفرجوا عليه

خرج أبطال فيلم أولاد حريم كريم، والذي يعد استكمال لـ حريم كريم، للكشف عن تفاصيل العمل وكان من بينهم الفنان مصطفى قمر الذي تحدث عن سبب اختياره لجيل الشباب في استكمال قصة حريم كريم.

تحيا مصر يرصد في ذلك التقرير تصريحات مصطفى قمر عن فيلم أولاد حريم كريم

مصطفى قمر: البنات بيحبوا يتفرجوا على تيام ورنا رئيس فتاة أحلام الشباب

وقال مصطفى قمر خلال لقائه ببرنامج arab wood: “قصدنا ناخد جيل من الشباب في أولاد حريم كريم لأن البنات بيحبوا يتفرجوا على تيام وشباب كتير شايفين إن رنا رئيس ممكن تبقى فتاة أحلامهم فكان لازم نستغل ده”.

وتابع حديثه، قائلا: أولاد حريم كريم فيلم تاني بيكمل الجزء الأول لأنهم الناتج الطبيعي للحياة اللي فاتت وهما حلقة الوصل بين الحريم بكريم.

بشرى عن أولاد حريم كريم: القصة هتاخد منحنى مختلف

بينما قالت بشرى:  أنا بيضحكني جدا الناس اللي هي بتتكهن وبتتوقع حاجات وهما لسه ماشفوفش الفيلم، أولًا فيه شخوص رحلت عن عالمنا فبالتالي هو ملوش دور لأنه مش عايش، وفيه شخوص الدراما بعد 18 سنة، والزمن أتغير وحال الناس اتغير طبيعي حال الدراما والقصة كمان تاخد منحى مختلفى، في الأحداث الجديدة، يعني مينفعش حد توفى نصحيه مش هينفع.

وتابعت: لما بيبقى المنتج زميل أو ممثل أو فنان بيبقى حاسس أكتر بزمايله وبيبقى هما كمان عندهم حالة من الثقة في أن البعد الفني هيبقى فيه اهتمام بيه والبعد الأخلاقي اللي ورا الكاميرا، في الكواليس يبقى فيه احترام للزمالة، وأنا بشوف أن الممثل من أكتر الي لازم يهتم أنه ينتج لما يبقى عنده فرصة.

اما عن علا غانم فقالت: شايفة إن أولاد حريم كريم هيحي الجزء الأول من العمل وهيخلي اللي متفرجش عليه يتفرج عشان يشوف إحنا ماشين ازاي.

أولاد حريم كريم

ومن المقرر ن يعرض فيلم أولاد حريم كريم في صيف 2023 وقد أشار مصطفى قمر إلى عدم مشاركة الفنانة ياسمين عبد العزيز في الجزء الثاني من الفيلم وأن تيام قمر نجله سيشارك معه في الفيلم وتعتبر هذه هي المرة الأولى التي سيقف فيها مصطفى قمر أمام نجله ويذكر أن فيلم حريم كريم قد عرض سنة 2005 وشارك فيه عدد كبير من النجوم من بينهم ريهام عبد الغفور، ياسمين عبد العزيز، علا غانم، إدوارد واخرون.