ليلى طاهر عن شائعة وفاتها: مش فاهمة هما مستعجلين عليا ليه بس أنا مبسوطة

حرصت الفنانة القديرة ليلى طاهر التعليق على شائعة وفاتها، التي انتشرت في الساعات الأخيرة، وذلك من خلال مداخلة هاتفية اليوم ببرنامج حضرة المواطن.

تحيا مصر يرصد تفاصيل تعليق ليلى طاهر على شائعة وفاتها

وقالت ليلى طاهر: أنا مش فاهمة هما مستعجلين عليا ليه.. أنا بقى سعيدة بهذا الخبر، يعني ناس كتير زعلانة بقولهم أنا مبسوطة لأن أنا تأكدت من حب الناس المتبادل بيننا.. لأن الناس اللي سألوا عليا النهاردة عدد ملوش أول من أخر، أنا كويسة عندي رجلي تعبانة شوية لأني كنت وقعت عليها.

ليلى طاهر تنفي إمكانية رجوعها للفن 

وسبق وأن كشفت الفنانة ليلى طاهر عن إمكانية رجوعها للفن وتخليها عن قرار الاعتزال، وذلك في مداخلة هاتفية مع الإعلامية سهير جودة في برنامج الستات.

قالت ليلى طاهر: مش هرجع للفن وده قرار لا رجعة فيه، وأنا بقول إني عملت كل حاجة واشتغلت في كل المجالات الفنية السينما والمسرح والتليفزيون، وأنا قفلت صفحة مشواري الفني، لأن من بعد الثورة توقف الفن وأنا بعدت عن الفن فترة، وبعدين رجعت للفن وعملت حاجات تانية لفترة محددة وبعدين قولت خلاص كفاية كدة.

وتابعت: أنا عملت حاجات كتير حلوة في كل المجالات وربنا وفقني فيها وكسبت ثقة الناس، وأنا مش عايزة أعمل تاني حاجات بعد الفترة الطويلة دي تقلل من اللي عملته، لأن اللي هيجي هيبقى أقل لأن السن بيحدد الأدوار، و بقول أنا سيبت تاريخ حلو وكدة خلاص كفاية.

الحالة الصحية للفنانة ليلي طاهر

وعلى صعيد آخر، أعلنت الفنانة ليلي طاهر عن خروجها من المستشفي بعد تعرضها لوكعة صحية، أدت إلى كسر في القدم، وصرحت ليلي طاهر لـ”تحيا مصر”: انا النهاردة خرجت من المستشفي وسوف أستكلم العلاج فى المنزل”.

وكشفت الفنانة ليلي طاهر خلال حديثها عن الأزمة الصحية التى تعرضت لها: “الكسر تسبب فى خضوعي الى عملية جراحية، أدت إلى تغير المفصل، و تم تركيب جبيرة جبس بقدمها، وكانت العملية الحمد لله ناجحه و سوف أستكمل العلاج بالبيت الأن مع متابعة الأطباء”.