مصطفى كامل للمرشحين لمجلس النقابة: أي حد فاسد ينتازل للشرفاء لأنك لو كملت هتخرج معايا بفضيحة

كشف الفنان مصطفى كامل بعد فوزه بـ مقعد نقيب المهن الموسيقية للمرة الثانية على التوالي عن خطته القادمة في النقابة، وذلك خلال مؤتمر صحفي أقامه اليوم الثلاثاء في مقر النقابة.

تحيا مصر يرصد في ذلك التقرير تصريحات مصطفى كامل خلال مؤتمر نقابة المهن الموسيقية

مصطفى كامل: لن يعتلي مقاعد النقابة سوى الشرفاء

وقال مصطفى كامل خلال المؤتمر: لن يعتلي مقاعد النقابة غير الزملاء الشرفاء التي ينطبق عليهم جميع شروط المهنة، حسن السير والسمعة مش جاي يتكسب من النقابة ومال الغلابة، الراجل اللي بيعرف يعني ايه تعب وشقى مبيعرفش ياكل حرام وياويله اللي ناوي فساد.

وتابع حديثه: لا مجال للفساد داخل مصر كفانا من مرت بها، اللي هيقعد معايا فاسد شهر مش هيكمل شهر ويوم لن أسمح لأي حد بالمصالح وأي حد نيته كدة اخرج وتنازل للشرفاء لأنك لو كملت هتخرج معايا بشكل مش حلو وبالنسبالي السلبي فاسد.

مصطفى كامل يشكر زملائه على فوزه بـ نقيب الموسيقيين

وكان مصطفى كامل قد توجه بالشكر لـ أعضاء نقابة المهن الموسيقية، بعد فوزه بمقعد نقيب الموسيقيين بالتزكية، فقال: عايز اشكر زملائي بلا استثاء في كل محافظات مصر على ثقتهم وعدم ترشح أي زميل شرف كبير ليا ولو اتكلمت أنا هبكي، وألف شكر على عدم ترشح زملاء كتير وكل الناس قدمتلي كل الدعم وادوتني ثقة كبيرة.

مصطفى كامل: اللي يتولى منصب لازم يراعي ربنا فيه

وتابع: احنا في وضع استثنائي العالم كله فيه وحالة الغلاء التي تمر بيها البلاد ولازم كل حد يعتلي أي مقعد في البلد دي اصبح على عاتقه هم كبير أوي ولازم يراعي ربنا فيها عشان كلنا نشيل عن بعض المسئولية عشان استقرار المهنة وابسط متطلبات الحياة يقدروا يعيشوا.

وأضاف: حمل الامانات مش اي حد يقدر عليها ولن اقبل بأي فساد وعموم بلدنا لا تحتاج أي فاسد في أي مؤسسة ولازم كل واحد يبقى أمين على الكيان المنتمي ليه حتى لا يعرضه غير للسمعة الطيبة.