سارة وفيق لـ تامر حسني: شكرًا على ثقتك فيا.. ولازم جمهورك يعرف أنك مابتنيمناش كلنا

حرصت المخرجة سارة وفيق على توجيه رسالة شكر للنجم تامر حسني، من خلال منشور عبر حسابها الشخصي على موقع تبادل الصور والفيديوهات إنستجرام.

تحيا مصر يرصد تفاصيل رسالة سارة وفيق لتامر حسني

رسالة سارة وفيق لتامر حسني

ونشرت سارة وفيق صورة لها رفقة تامر حسني، وعلقت عليها قائلة: مبروك يا تيمو نهاية تصوير فيلم تاج، شكرا من كل قلبي على دعمك وثقتك فيا، شكرا على تعبك ومجهودك الجبار اللي عملته في الفيلم.

وتابعت: شكرا على دقتك ومثابرتك واجتهادك وكل حاجة عملتها عشان فيلم تاج يطلع بالشكل اللائق بجمهورك الكبير من أول كتابتك للفيلم لحد أخر يوم تصوير شكرا أنك بتحترم جمهورك وبتقدمله كل جديد.

إشادة سارة وفيق بـ تامر حسني

وأضافت: أنت ميجا ستار مش من فراغ أنت أكتر واحد قابلته في حياتي بيحب شغله وبيخلصله عشان كده إن شاء الله ربنا هيكرمك بنجاح الفيلم ونجاح كل شغلك.

واختتمت: معنديش كلام يوفيك حقك والله يا تيمو، وأخيرا لازم جمهورك يعرف أنك مابتنيمناش كلنا
ربنا يكرمك بكرمه الواسع ويفرحك وينجحك وينجحنا معاك يا أجمد سوبر هيرو يا تاج يا جامد.

انتهاء تصوير فيلم تاج

وسبق وأن حرص النجم تامر حسني على توجيه رسالة خاصة إلى فريق عمل فيلم تاج، بعد الانتهاء من التصوير، وذلك من خلال منشور عبر حسابه الشخصي على موقع تبادل الصور والفيديوهات إنستجرام.

وكتب تامر حسني: إن شاء الله انتظرونا في العيد القادم، تاج.. ومن كل قلبي شكراً لكل الناس المحترمة الغالية اللي في الصورة واللي معرفوش يكونوا في الصورة اليوم ده في ناس كتير اوي تعبت في الفيلم ده اوي فوق الوصف بقولهم ربنا هيكرمنا بسبب تعبنا الخارق فعلاً اللي حصل في الفتره دي، يا رب اكرمنا.

تعاون تامر حسني ودينا الشربيني في تاج

وكان قد أعلن تامر حسني عن تعاونه مع دينا الشربيني في فيلم تاج، حيث كتب على صفحته الرسمية بموقع فيسبوك:  النجمة الجميلة دينا الشربيني نورتي فيلمك ( تاج )  ويارب الفيلم يكمّل سلسلة نجاحاتك الكبيرة اللي كسرتي بيها الدنيا، ربنا يكرمك ويكرمنا معاكي.

وردت عليه دينا الشربيني، قائلة: تامر.. مهما اتكلمت او قلت مش هعرف اشرحلك انا سعيده اد ايه بكلامك ..انا كنت بحبك وبحترمك جدا علي المستوى الفني ودلوقتي لما عرفتك بحبك وبحترمك جدا على المستوى الشخصي.. ربنا يوفقك وينجحك اكتر واكتر  وان شاء الله تاج يكسر الدنيا زى كل اعمالك علشان المجهود الجبار اللي انت عامله فيه اللي انا  شخصيا شوفتوا بعيني.