أمير عيد: مسلسل ريفو علمني كإنسان أحس بإيه وأطلعه وقصة فرقة كايروكي صعبة

كشف الفنان أمير عيد عن بداية ترشحه لدوره في مسلسل ريفو، كما كشف عن بعض الصفات التي تغيرت في شخصيته بسبب المسلسل.

تحيا مصر يرصد لكم تصريحات أمير عيد 

وقال أمير عيد خلال استضافته في برنامج صاحبة السعادة والتي تقدمه الإعلامية إسعاد يونس ويعرض عبر قناة دي أم سي: صديقي محمد ناير هو اللي كلمني وقالي على الفكرة أنا وتامر هاشم من سنين، و تحمسنا للفكرة بس أي عمل بيفضل سنين عشان يطلع للنور، ووبدأنا نشتغل عليها فترة كبيرة.

وكشف: الموسم الأول كان في حد بيحكي عن شادي من أيقونة معينة، أما الموسم الثاني هنشوف شادي بشكل عملي أكتر، وأنا دايمًا بحاول أفهم أبعاد الشخصية.

أمير عيد: مسلسل ريفو علمني كإنسان أحس بإيه وأطلعه

واستكمل: الصعوبات اللي واجهتني في الموسم التاني بقى عندي مشاعر كتير، وكنت محتاج أتمرن على ده لفترة كبيرة.

واستكمل: أنا في الطبيعي لو شوفت حد بيعيط مش بعرف اطبطب عليه وبفضل قاعد ساكت، وفي مسلسل ريفو علمني أن المفروض كانسان أحس بإيه وأطلعه.

وتابع: صحابي ساعدوني إني اكتشف ده والمسلسل جماعي أكتر ومبصتش على فكرة البوستر وإني أكون أول واحد في البوستر.

أمير عيد: مفيش بطل لمسلسل ريفو وكلنا بنساعد بعض

وأضاف: ومفيش بطل للمسلسل وكل واحد دوره فعال ومؤثر وكل واحد على طبيعته وبدأنا أن طلما مش بنمثل وبقينا طبيعين والورق مساعد جدا.

أمير عيد: التشابه بين فرقة ريفو كايروكي صفر

كما كشف أمير عيد عن التشبه بين كايروكي وريفو وقال: كايروكي وريفو وجه الشبه زيرو وفي كل فرقة الشباب بيبقوا متجمعين وكنا في الطبقة المتوسطة وناس بيبقوا قارئين وبيتابدلوا الثقافة بشكل عام وده اللي بيجمع اي باند.

واستكمل: أنا قضيت وقت مع فرقتي أكتر من أهلي وعيشنا مع بعض أكتر من أهلينا وكنت سعيد الحظ أني جربت تاني مع ريفو.

أمير عيد: قصة فرقة كايروكي أصعب من ريفو بكتير

واسطرد أمير عيد: أنا شايف أن كايروكي قصتنا كانت أصعب لأن وقتها مكنش في يوتيوب ولا سوشيال ميديا وكان لازم نشتغل وناخد قرار ونلعب في الكافيهات.

وأوضح: ريفو لعبوا في النادي كايروكي كان في واحد بس اللي بيجي الكافيه والشخص ده بنكلمه في اي حفله يجيلنا دلوقتي.

وكشف: دلوقتي أنت ممكن تتسمع بسرعة كده أما زمان كان صعب وكنت أنا وتامر كنا بنقعد في العربية بتاعته بنسمع شريط جديد ومش بنتكلم ودلوقتي مفيش كده والمخ مبقاش بيستقبل الفن بصفاء.

واختتم: الفن تجربة وتجربتك في الحياة بيتعمل فن وكلنا بنبص في التليفون دلوقتي وتجاربنا بقت زي بعض وفي فرق في الزمن وفي الأسوء في حاجات كتير، بس مش عايز أبقى من النوع اللي بيشكتي أن الزمن وحش.

كما كشف أمير عيد أن بنزول الموسم الثاني من مسلسل ريفو سيتم طرح الألبوم الثاني من ريفو.