حمو بيكا عن زوجته: اتعاركنا كتير.. وخاربة بيتي بسبب الأونلاين

تحدث مؤدي المهرجانات حمو بيكا عن علاقته بزوجته، وحقيقة السلسال الذهب الذي قدمه لها يوم عيد ميلادها، وذلك خلال لقائه اليوم ببرنامج صبايا الشمس مع الإعلامية ريهام سعيد.

تحيا مصر يرصد تفاصيل تصريحات حمو بيكا

حمو بيكا وزوجته

وقال حمو بيكا: أنا بحب مراتي، وحبيتها في 3 شهور، وعمر عيني ما زاغت، ومش بعرف أكدب عليها وهي بتفتش في كل حاجة ومديها باسورداتي وإيميلاتي، وأنا مش بعمل حاجة تزعلها، عشان مش بحبها تزعل.

وتابع: محدش حاول يوقع بيني وبين مراتي قبل كدا، واتعاركنا كتير، وكنت هخسر البيت كذا مرة عشان حد كدا مش عايز أجيب سيرته، واتخانقنا في رمضان ومشيت من البيت وروحت جبتها تاني.

حمو بيكا: فيه بنات كتير بتعاكسني

واستكمل: وفيه بنات كتير بتعاكسني وتجري ورايا وأنا بقولها، ومش بتبقى قلقانة عشان عارفة أني مش هقدر أبص لحد تاني، مقلقتش لما الخلفة أتأخرت وهي دلوقتي حامل، لو هجيب ولد هسميه فهد ولو بنت هسميها تاج.

واستطرد: عايز أقول للناس سيبوني في حالي، والكردان اللي جبته لمراتي مش كيلو، أنا شبعان الحمد لله ولو هروح أخر اليوم معايا ألف أو ألفين جنيه أنا راضي، ومراتي قالتلي خد ورثي وجبتلها السلسلة، وهي بتطلب حاجات كتير من الأونلاين خاربة بيتي، ولو جات قالتلي أشتغل مش هوافق عشان أنا مش هخليها محتاجة حاجة، مش بحب آراء ياسمين عز، أنا لو مش عايز حد يخدمني مكنتش اتجوزت.

حمو بيكا في برنامج العرافة

وسبق وأن تحدث المؤدي الصوتي حمو بيكا عن قرارات النقيب مصطفى كامل بشأن مطربي المهرجانات، وذلك خلال لقائه ببرنامج العرافة، مع الإعلامية بسمة وهبة.

حيث قال حمو بيكا: هو بيوجهنا للطريق الصح، ودا اللي كنا عايزينه من زمان، زمان كنت بغني أي حاجة من غير ما أعرف يعني ايه مصنفات، ولو هنزل أغنية تجيب ١٠ آلاف أنا راضي، أنا مش بقول أني رقم واحد أنا بقول أن أنا المدرسة.

وتابع: مش مهم أني مؤدي صوتي المهم أني شغال.. وفي الحفلة اللي في الكباريه ومصطفى كامل مر عليا مكنتش شغال بفلاشة، واه بغني في كباريهات، أمال هغني فين، احنا مش بنعمل حاجة حرام، وأنا مسلم وموحد بالله وربنا هو اللي هيحاسبني، ودا لو كان شغل غلط مكنش حد طلع.