مصطفى كامل: أنا ليا دماغي محدش يقدر يأثر عليا وبشتغل بأولويات وشرفي أهم من مهنتي

خرج الفنان مصطفى كامل، نقيب المهن الموسيقية في الساعات القليلة الماضية بعد ترشحه لـ مقعد نقابة المهن الموسيقية للمرة الثانية على التوالي، ليكشف عدد من التصريحات.

تحيا مصر يرصد في ذلك التقرير تصريحات مصطفى كامل عبر حسابه الرسمي بموقع فيسبوك

مصطفى كامل: شرفي أهم من مهنتي وشيلت ناس من النقابة كانوا عاملين بلاوي

وقال مصطفى كامل في لايف عبر حسابه الرسمي بموقع التواصل الإجتماعي “فيسبوك”: مش هنجيب ناس يشتغلوا متعهدين ويرتشوا ويضيعوا مال النقابة، وأنا معايا بلاوي وشيلت اللي كانوا عاملين البلاوي وتحت إيدي المستندات والأدلة، وشرفي أهم من مهنتي وهتدور بمنتهى الشرف والأمانة والنزاهة والحب والاحترام،  مالكوش حق تسبوا في النقابة، ده عيب لأن دي أكبر مننا كلنا وده بيتنا سواء وافقنا أو رفضنا، ولو غلطت في الكارنية، يبقى ما تستحقش تشيله وأنا مش هدي الكارنية ده لأي حد دون المستوى سواء أخلاقي أو بيقل أدبه؛ لأن فيه شؤون قانونية ونقيب ولجنة تحقيقات ووقت ما يبخس حقك اعمل اللي أنت عاوزه، الكيان ده بيراعى آلاف الأسر، وقيمة المعاشات اللي زادت بتعدي مليون و800 ألف جنيه، وكل ما بتدار بشرف كل ما المعاشات هتزيد أكتر.

مصطفى كامل: يارب اللي بعمله في النقابة يقعد في صحة ولادي

وتابع مصطفى كامل حديث، قائلا: أنا راجل ليا دماغي، وبشتغل بأولويات ومحدش قدر يأثر عليا وليا دماغي واختارت أكون مع الله، وأي إخفاق أو تقصير أو محاباة مقصودة لأن كان عندي أولويات وما أقدرتش أهد كيان بيرعى أكتر من 2600 عضو بياخدوا معاش منه، وده مش مكان سهل، والفترة اللي فاتت كنت بهرب من المقابلات علشان النقابة لا يزج باسمها بأي حاجة ويا رب اللي عملته يقعد في صحة ولادي، لأننا أدرنا خلال 8 شهور بمنتهى الشرف.

مصطفى كامل: في زميل ليا كان بيكلمني وعامل إن بيحتضر وفهمت إنه بيدعي المرض

وعن مشاكل النقابة قال مصطفى كامل: لقيت زميل بيكلمني وعامل أنه بيحتضر، وقال لي عاوز يقعد 3 أيام في العناية المركزة والمستشفى رافضة، لما كلمت الدكتور فهمت أنه بيدعي المرض.. وبعد كده مفيش حد هيتفسح تاني في المستشفيات.. ليه تتخانق في البيت مع مراتك وتقعد أربع أيام في العناية المركزة.