مريم الخشت: شخصيتي في عملة نادرة بعيدة عني واللهجة الصعيدية مكنتش صعبة

أدلت الفنانة المصرية مريم الخشت بعدة تصريحات عن مشاركتها في مسلسل عملة نادرة، الذي عرض في السباق الرمضاني المنصرم 2023.

تحيا مصر يرصد تصريحات مريم الخشت. 

تصريحات مريم الخشت

وقالت مريم الخشت خلال تصريحات تلفزيونية: أنا كنت متخيلة إن اللهجة الصعيدية هتبقى صعبة ولكن مكنتش كده، والحمد لله كان معايا مصحح عبقري عبد النبي الهواري، ومكنتش عارفة من غيره هعمل إيه، بس في الأول بتكون صعبة ولكن بعد كدة بنرتجل فيها.

مريم الخشت في عملة نادرة

وأضافت: الشخصية نفسها تقيلة والأحداث اللي بتحصل ليها تقيلة، والشخصية بعيدة عني خالص، والصعيد بالنسبة لينا مهم، ومكنش ينفع أتصرف في الشخصية زي الشخصية القاهرية العادية، لازم أبقى محترمة جدًا المكان ده وثقافته وتفكيره، وللأسف في حاجات إحنا منعرفهاش.

وكانت قالت نيللي كريم خلال لقائها ببرنامج كلمة أخيرة المذاع علي قناة "أون إي": "أنا عمري في حياتي ما دخلت في اختيار فريق العمل أو زيادة المشاهد، وأنا ما أقدرش أختار بالطريقة دي، طالما أنا في أيد أمينة مع المخرج خلاص ما بتدخلش".

ولفتت: "جمعني مشهد مع هشام عاشور في مسلسل عملة نادرة، وكنت متوترة جدًّا لأني ما كنتش متعودة وقلقت، وكان أول مرة يجمعنا مشهد تمثيلي في العمل، هو كان هادي جدًّا".

وأكدت: "لما شُفت هشام عاشور في مسلسل عملة نادرة، شُفت إنه عمل شخصيته بشكل كويس جدًّا، وهي فعلًا شخصية صعبة لإن فيه الشخص المتعلم اللي بيتحول مع والده وهو شاطر في اللهجات، وهو كان مديها كوميدية صعيدي طول الوقت وهو دمه خفيف أصلًا".

أبطال مسلسل عملة نادرة

مسلسل عملة نادرة عرض على قناة CBC وعلى Watch it في رمضان الماضي، وهو من بطولة نيللى كريم، جمال سليمان، جومانا مراد، أحمد عيد، كمال أبو رية، فريدة سيف النصر، ندا موسى، محمد لطفى، محمد فهيم، على الطيب، مريم الخشت، هشام عاشور، أحمد فهيم، نهى صالح، رمزى العدل، وئام مجدى، بالإضافة إلى عدد كبير من الفنانين الشباب، تأليف مدحت العدل وإخراج ماندو العدل وإنتاج شركة العدل جروب للمنتج جمال العدل.