عايدة غنيم: محمد رمضان قوي من أول ما بدأ وأي فنان بينجح ويتشاف بيكون في مصر

أشادت الفنانة عايدة غنيم بطلة مسلسل الحاجة متولي بـ الفنان محمد رمضان مشيرة إلى أنه نجم ناجح من بداية ظهور وتتمنى العمل معه، متحدثة عن قيم الفن المصرية.

تحيا مصر يرصد في ذلك التقرير تصريحات عايدة غنيم في أول ظهور لها بعد غياب

وقالت عايدة غنيم خلال لقاءها بموقع تحيا مصر:كل المسلسلات اللي اشتركت فيها كانت ناجحة جدا والناس كرهتني في سارة بسبب حبهم لـ حنان ترك، وحنان ترك من الشخصيات الجميلة وحبوبة جدا وعاشقة للفسيخ وكانت دايما بتعزم الكاست كله على فسيخ ورنجة.

عايدة غنيم: مصر هيوليود الشرق والأم لأي فنان

وتحدثت عايدة غنيم عن أهمية الفن المصري، فقالت: مصر هيليود الشرق وهي الأم وأي فنان بيطلع وبيتشاف بيكون في مصر ممكن يبقى نجم في بلده بس مبيتعرفش الا في مصر، وإحنا عندنا ممثلين جامدين.

وعن مشاهد القبلات والإغراء، قالت: لو هيفيد الدور يعمله طالما حاجة في السياق الدراما لكن لو حاجة ملهاش لازمة متتعملش، ومش باخد رأي حد في أدواري باخد رأي نفسي وبعمل استخارة.

عايدة غنيم: محمد رمضان بيعمل أعمال بتشهدله بيها

وأشادت عايدة غنيم بالفنان محمد رمضان، فقالت: محمد رمضان من أول ما بدأ وهو ممثل قوي جدا في كل أدواره، وبيعمل أعمال الناس كلها بتشهدله بيها ومسلسلاته كلها تريند، وأتمنى أرجع اشتغل معاه، والناس بتنتقده في أي حاجة وأي حد هيتحط في مكانه هيعمل اللي بيعمله.

وتحدثت عن ظهور بعد الأشخاص الغير ممثلين في عالم التمثيل، فقالت: أي حد عايز يمثل هيمثل بس المهم إنه يستمر، الناس هي اللي بتطلع التريند وبتعمله وكل حاجة بتاخدلها فترة وبعد كدة خلاص لكن مش هنلاقي ناس مستمرة زي دلوقتي.

عايدة غنيم في الحاجة متولي

ويذكر، أن عايدة غنيم ذاع صيتها في الحاج متولي والذي دارت أحداثه حول متولي رجل يبدأ حياته من الصفر، حيث يعمل لدى تاجر أقمشة يثق به كثيرًا، وبعد وفاة التاجر يتزوج متولي من أرملته وينجب منها، لتتوفى هي، ويدير هو الثروة كلها، حتى يصبح من أكبر التجار في المنطقة، لتتوالى بعدها زيجاته الواحدة تلو الأخرى.