بسنت النبراوي لتحيا مصر: برفض مشاهد القبلات عشان حرام واللبس مش بيدل على 50% من الاحترام

تحدثت الفنانة بسنت النبراوي عن إمكانية تقديمها أدوار يوجد بها قبلات، بالإضافة إلى رأيها في المشاهد الجريئة، كما تحدثت عن تصريحاتها الأخيرة بشأن المساكنة.

تحيا مصر يرصد لكم تصريحات بسنت النبراوي

وقالت بسنت النبراوي خلال لايف عبر موقع تحيا مصر: لو اتعرض عليكي ادوار صعيدية هتمرن على اللكنة الصعيدي وفي فنانين كبار عملوا ادوار الصعيد ونجحوا فيها.

كما كشفت عن صفات الفنان الناجح وقالت: صفات الفنان الناجح أنه يكون شاطر ومجتهد والفنان نور الشريف كان بيذاكر كانه في جامعة، وبيحفظ السيناريو جدًا. 

بسنت النبراوي: برفض مشاهد القبلات لأنها حرام 

كما كشفت بسنت النبراوي عن موقفها من مشاهد القبلات وقالت: مش حابة مشاهد القبلات وبرفضها لأنها حرام، وبقرأ الورق لو مناسب ليا بوافق لو فيه قبلة أو مشاهد إغراء برفض على طول، ومش بعمل أدوار إغراء ومش مهم اتشهر أو لا.

وتابع: أنا عندي شغل بعيد عن مجال الفن وانا بشتغل شغل اساسي والفن هواية ولو حاجة اشتغلتها وأنا مش حباها مش هعملها.

كما كشفت عن مواصفات الرجل المناسب وقالت: الراجل المناسب بالنسبالي حد عارف ربنا وليه شخصية ويتحمل المسئولية راجل يشيل المسئولية يكون محترم مع أهله وكلها حاجات مش صعبة .

بسنت النبراوي: طلع عليا إشاعات إني أطلقت بعد تصريحاتي عن المساكنة

وتحدثت بسنت النبراوي عن تصريحاتها عن المساكنة وقالت: تصريحاتي عن المساكنة مأثرش على زواجي وطلع عليا إشاعات إني أطلقت وإني رميت ولادي وأنا أصلاً لسه مخلفتش.

وكشفت النبراوي: لما قولت الست تتطلق كان قصدي أن لو الزوج بيشرب مخدرات أو بيمد إيده على الست، يبقى لازم الست تنفصل يبقى هتستفاد إيه لما تخلف طفل، وأنا شايفة أن الناس تستنى على الاقل سنة من الخلفة عشان يعرفوا طبع بعض لو متفقوش يطلقوا عشان البيبي يعيش في بيئة سوية.

بسنت النبرواي لتحيا مصر: اللبس مش بيدل على 50% من الاحترام

وكشفت بسنت النبراوي: اللبس مش بيدل على 50% من الاحترام وأنا كنت بلبس براحتي زمان ولما كبرت عقلت وبدأت ألتزم بلبس