برفض أدوار الإغراء والست لازم تنفصل عن الراجل المدمن.. أبرز تصريحات بسنت النبراوي

كشفت الفنانة بسنت النبراوي عن رأيها في عدد من الموضوعات الخاصة بالفن، وبحياتها الشخصية، وذلك خلال لقائها اليوم بموقع تحيا مصر، وفي ذلك التقرير سنرصد أبرز تصريحاتها في اللقاء.

أبرز تصريحات بسنت النبراوي

• مينفعش الست تستمر في العيشة مع الراجل المرتشي والراجل اللي في طابعه الخيانة
• اتعرضت عليا أدوار إغراء ورفضتها عشان مش بحب أجسد الشخصيات دي
• أنا بسمع عن نفسي من امبارح قصص غريبة ومريبة منها أني اتطلقت ومخلفة عيال ورمياهم في الشارع
• أنا شرقاوية وعمري ما اتريقت على أهل بلدي
• أنا مش بلوجر أنا ابتديت فنانة 
• لو الراجل اللي مش بيصرف على الست عنده مرض منعه من الشغل يبقى حقه
• الراجل اللي مش بيشتغل ومعتمد على أن مراته بتصرف عليه يبقى مش راجل
• فيه فنانات كبيرة ومشهورة وعلى وضعها ولبسهم محتشم جدًا
• وفيه فنانات كتير وصلوا معملوش أدوار إغراء زي ياسمين صبري

حقيقة تصريحات بسنت النبراوي عن المساكنة

كما وقالت بسنت النبراوي خلال لقائها بموقع تحيا مصر: أنا كنت في برنامج والمذيعة قالتلي ايه رأيك في المساكنة، فقولتلها والله أنا برفضها رفض تام لأنها حرام شرعا وأنا مقبلهاش على حد أبدا، فاتسألت أنتي رافضة المساكنة عشان الدين ولا عشان المجتمع، قولتلها كل ما سبق، والأهم من كل دا وعلى رأسهم الدين، لكن لو كانت حاجة حلال كان ساعتها من حق أي حد أنه يفكر يعملها.

وتابعت: وكلامي كان واضح جدا أن أنا برفض المساكنة، وبعض الصحف خدت الكلام من على لساني وحورته لكلام مختلف أن أنا موافقة على المساكنة وبشجع عليها، وأنا قولت لو الدين موافق على المساكنة مش هيهمني رأي المجتمع.

أخر أعمال بسنت النبراوي

ومن جانب آخر، تشارك الفنانة بسنت النبراوي في فيلم مستر إكس والذي يقوم ببطولته الفنان احمد فهمي، ومن المقلالا أن يعرض ضمن أفلام عيد الأضحى.

ويضم فيلم "مستر اكس" العديد من النجوم ومن بينهم الفنانة بسنت النبراوي والتي كشفت لبوابة أخبار اليوم عن تفاصيل دورها بالعمل قائلة: "أشارك في العمل كضيفة شرف مع العديد من النجوم الذين يشاركون ايضا كضيوف شرف.