ياسمين عز تعلق على مطالبة شاب باسترداد مصروفات الخطوبة: دي حاجة متقللش من شأن الرجل

حرصت المذيعة ياسمين عز التعليق على مطالبة شاب باسترداد مصروفات الخطوبة، وذلك خلال حلقتها اليوم ببرنامج كلام الناس المذاع عبر شاشة تلفزيون قناة إم بي سي مصر.

تحيا مصر يرصد تفاصيل تعليق ياسمين عز على مطالبة شاب باسترداد مصروفات الخطوبة

رأي ياسمين عز في مطالبة شاب باسترداد مصروفات الخطوبة

وقالت ياسمين عز: لا الورقة دي ولا عشرة غيرها تقدر تنال من الرجل أو تخلينا نقلل من احترامه، الورقة دي لو كان فيها حاجة ضد الستات كان اتعملها حذف من السوشيال ميديا ومن التاريخ، ولكن يا عيني عشان بتتكلم عن راجل انتشرت.

وتابعت: ايه اللي يثبت أن الورقة دي حقيقية مفيش، احتمال كبير ووارد أن يكون مصدرها واحدة ست، عشان تشوه سمعة الراجل، الفرعون هو منبع الكرم والحنان اللي بنى الهرم ولا يمكن يطلب من واحدة ال 20 جنيه اللي دفعهم في عربية العربيات المتصادمة.

وأضافت: دي عمرها لا كانت ولا هتكون أخلاق الفرعون اللي كلنا عارفينها، الراجل من حقه يسترد الهدايا والشبكة اللي جابها والمفروض البنت وأهلها يردوها لوحدهم من غير ما يطلبها.

ميرفت النحاس تهاجم ياسمين عز 

وسبق وأن خرجت المذيعة اللبنانية، ميرفت نحاس، للرد على الإعلامية المصرية، ياسمين عز، بعد تصريحاتها المثيرة للجدل عن المرأة اللبنانية وكيفية تعاملها مع زوجها.

وقالت ميرفت نحاس خلال برنامجها، الذي يعرض عبر قناة التليفزيون الجديد: " اندهشت جدا من حديث الإعلامية المصرية ياسمين عز عن المرأة اللبنانية، إذ جاء حديثها يحمل ملامح الاستفزاز، كما سخرت من الأكلات اللبنانية الشهيرة".

وتابعت: ما تعودنا نرد على قلة الأدب وقلة التهذيب بنفس الطريقة بس بنقول للسيدة المحترمة ياللي المفروض تكون بنت عز مثل ما بيدل اسم عيلتها.. لا تقول أصلي وفصلي أبدا.. إنما أصل الفتى ما قد حصل.. محبتنا لمصر خلقت معنا ورح تبقى معنا وأكيد مبسوطين فيها رغم كل أصوات النشاز، بعض الحاقدين بسبب تجارب شخصية بيحاولوا تشويه وجه مصر المشرق.

نصيحة ياسمين عز للسيدة اللبنانية

وكانت قالت ياسمين عز خلال برنامجها كلام الناس المذاع على قناة Mbc مصر: "لو كنت سيدة لبنانية جميلة هتقولي لجوزك يا فينيقي يا حياتي، ولو عايشة طول عمرك تأكليه تبولة وفتوشة ومنقوشة إنسي الكلام ده، من هنا ورايح تأكليه تبول ومنقوش وفتوش، وإلغي التاء المربوطة من حياتك يا مدام".