محمد فراج: الفن أذواق بس اللي بيضايقني التطاول

رد الفنان محمد فراج، على منتقدي بعض الأعمال الفنية والتطاول على أبطال العمل وتزيف الحقائق.

تحيا مصر يرصد رد محمد فراج على منتقدي الأعمال الفنية. 

رد محمد فراج على منتقدي الأعمال الفنية

وقال محمد فراج خلال تصريحات تلفزيونية: شغلتي فيها المشاعر والأحاسيس فمينفعش أضحك عليك، وأنا بشتغل علشان تصدقني، وأنت واجب عليك تحترم ما أقدمه ليك لو ما عجبكش دي حاجة متضايقنيش.

وأضاف: اللي يضايقني التطاول وتزييف الحقائق والإشاعات اللي ملهاش لأزمة، كون أني أعمل حاجة ما تعجبكش ده متوقع لأن الفن أذواق.

تصريحات محمد فراج

من جانبه، قال محمد فراج في تصريحات لراديو انرجي: “أبويا الله يرحمه كان سمكري عربيات وهو أول حد اتعلمت منه التفاني والإخلاص في الشغل.. كنت بشوفه في الورشة بتاعته وهو بيشتغل في العربيات بيبذل مجهود جبار وبيشقى جدا”.

وأضاف: “اتعلمت منه إن كل ما تتعب وتشقى في شغلك ربنا يديك أكتر وأكتر”.

محمد فراج يشيد بزوجته بسنت شوقي

وأشاد محمد فراج بزوجته قائلًا: بسنت شوقي مجتهدة أكثر مني علشان دراساتها والورش اللي أخذتها وطريقة شغلها، وبتعلم منها.

وتابع: بنستمتع باللحظات لما نبقى مع بعض وبندعم بعض، وهي لسه مطلعتش ربع اللي عندها في التمثيل.

جدير بالذكر، أنه شارك محمد فراج في الموسم الرمضاني المنصرم بمسلسل حرب مكون من 10 بطولة أحمد السقا، محمد فراج، أحمد سعيد عبد الغنى، ايناس كامل، سارة الشامى، مصطفى منصور، أحمد زنجرلى، عماد الطيب، محمد يوسف أوزو، أحمد أبو زيد، إبراهيم كمال، أحمد امام، هشام حسين، حنان فكرى، ماجدة منير، شريف صبحى، محمد أبو النجا، محمود الباز وعدد من ضيوف الشرف، تأليف هانى سرحان وإخراج أحمد نادر جلال وإنتاج شركة سينرجى.