دعاء فاروق عن مناقشة المساكنة: دا زنا.. حضرتك تحبي تزني قبل الجواز!

علقت الإعلامية دعاء فاروق، على فكرة المساكنة بين الرجل والمرأة قبل الزواج والتي يتم مناقشتها خلال الفترة الأخيرة، مشيرة إلى أن ذلك الأمر يُعد زنا.

تحيا مصر يرصد تعليق دعاء فاروق على فكرة المساكنة.

دعاء فاروق تكشف عن رأيها في المساكنة

ونشرت دعاء فاروق، مقطع فيديو، عبر حسابها الرسمي بموقع تبادل الصور والفيديوهات القصيرة إنستجرام، قالت فيه: ازاى يناقش موضوع المُساكنة، لا وبنجيب الشباب والبنات في مصر ونسألهم عن المساكنة.. تحب تعمل مساكنة ولا لأ.

وتابعت: يعني أنت بتجيب بنتك وتسألها تحبي تزني، أنتوا إزاي بتناقشوا موضوع الزنا، ملناش دعوة في اتنين عملوا كده في مكان لا يناسب عاداتنا وتقاليدنا ولا حياتنا.

دعاء فاروق تستنكر مناقشة المساكنة

وأضافت: بعدين ألاقي بنت تتسأل عن المساكنة فتقول لو مش حرام آه هعمل المساكنة، غيري كلمة المساكنة وبدليها بزنا.. حضرتك تحبي تزني قبل الزواج، والبنات تقول  آه لو مش حرام، يعني إحنا ممكن الصبح نغير اسم بيوت الدعارة بـ  بيوت السعادة  وننزل نسأل الطلاب تحب تروح بيت السعادة ويقولوا آه.

تعليق دعاء فاروق على مسلسل أزمة منتصف العمر

وكانت كشفت دعاء فاروق عن رأيها في مسلسل أزمة منتصف العمر قائلة: طيب يا جماعة حد مستني النهاية في سواد منتصف النيلة المستنقع اللي بنتابعه.. أنا بالنسبة لي وبالاصألة عن نفسي كده جاب الناهية خلاص.. فاضل تلات حلقات أو حتى عشرة دي كلها شكليات المسلسل خلص والستاير السودا نزلت، موتتوا بصيص الفرحة الوحيد و قتلتوا سرسوب أي أمل كنا مستنيينه يظهر”.

وتابعت: “حد يفكرني كده.. هو كريم فهمي كان زعلان إن الناس متضايقة من الأحداث الكحلي اللي بتحصل وبيقول علينا لمؤاخدة لجان، ألا هو أنت يا كريم كنت عاوزنا نتابع المسلسل ونفرح ؟؟؟  هل كنت مستني الناس  تتبسط بالأحداث مثلا”.

هذا وقد تحدثت الإعلامية دعاء فاروق عن قصة دخولها إلى مجال الإعلام، حيث أكدت على أنه تم اختيارها ما بين 250 فتاة، روت ذلك خلال لقاء لها ببرنامج “MIMIS” المذاع عبر منصات التواصل الاجتماعي المختلفة.

حيث قالت دعاء فاروق: “قدمت على الـ ART لوحدي عشان كدا بابايا كان مبسوط بيا، وجبت النمرة من الدليل وكلمتهم قولتلهم أنا عايزة أجي أشتغل عندكم، قالولي مش محتاجين لما نحتاج هنكلمك وأبقي هاتي الـ CV بتاعك".

وتابعت دعاء: “وفي يوم كنت في القاهرة ولابسة حلو ومنشيكة روحت وديت الـ CV بتاعي في اليوم دا لقيت فيه حوالي 250 بنت بتقدم بالصدفة، وساعتها مخدوش من الـ 250 بنت دول حد غيري وبنت كمان”.