عمرو مصطفى: أنا ضد الفساد اللي بيتقدم في المهرجانات وهرجع الفن للفنانين تاني

حل المحلن عمرو مصطفى ضيف على برنامج et بالعربي، والذي تحدث خلاله عن خاصة بـ إعادة إحياء نجوم الزمن الجميل من خلال تقنية الذكاء الاصطناعي.

تحيا مصر يرصد في ذلك التقرير تصريحات عمرو مصطفى لـ برنامج Et  بالعربي

عمرو مصطفى عن الذكاء الاصطناعي: فرصة لورثة نجوم الزمن الجميل 

قال عمرو مصطفى عن استخدام تقنية الذكاء الاصطناعي: أنا شايف أن ورثة كل العظماء اللي توفوا جاتلهم الفرصة أن يحيوا ذكراهم بأغنية جديدة، الورثة نفسهم ممكن يختاروها وكمان الجمهور، وأنا بعتبر مي فاروق من أهم الأصوات المصرية، ومش غرور بس أنا اسمي وشغلي والـ 30 سنة اللي اشتغلتهم يسمحولي إني أجرب وأشوف، الصناعة وصلت لدرجة كبيرة من الانحدار في وطننا العربي كله، وعشان نقدر نعمل حاجة نرتقي بيها بالشعوب العربية رجعنا للتراث والمزيكا والموسيقى الشرقية.

عمرو مصطفى: هعيد تقيم أغنية افتكرلك ايه بصوت أم كلثوم

وتابع عمرو مصطفى حديثه بأنه سيعيد تقديم أغنية افتكرلك ايه بصوت أم كلثوم، موضحا:  أغنية افتكرلك إيه هتنزل كاملة بصوت أم كلثوم بعد ما اتصالحت مع الورثة، وإحنا سايبين الجمهور يحكم، وهاخد كل كلام الجمهور وهروح بيه لأسرة أم كلثوم وأقولهم ده حكم الجمهور لو تمام هتنزل الأغنية.

عمرو مصطفى: أنا اللي هرجع الفن للفنانين

واختتم عمرو مصطفى حديثه: دلوقتي اللي مسؤول عن الفن المنتجين، ولكن زمان اللي كان مسؤول عن الفن الفنان زي عبد الحليم حافظ ومحمد عبد الوهاب الله يرحمهم، ودلوقتي لما الفن راح للتجار اتدمر، ولازم الفن يرجع تاني للفنانين وأنا اللي هرجعه وأنا أنا منتقدتش مطربين المهرجانات هما اللي أخدوا ألحاني، وإحنا ضد الفساد اللي بيقدموه داخل المهرجانات مش ضد المهرجانات.

ويذكر، أنه يحضر عمرو مصطفى حاليًا  كتاب يسرد به تفاصيل مشواره الفني، بعنوان 25 سنة موسيقى مستعينًا في كتابته بالذكاء الاصطناعي، وأعلن عنه خلال لقائه مع الإعلامي خيري رمضان مؤخرًا في برنامج حديث القاهرة على شاشة قناة القاهرة والناس، معقبًا: سيكون صدمة كبرى لكل العالم العربي.