أحمد عزمي عن والدته: ماتت بسببي بعد دخولي طريق الإدمان

كشف الفنان المصري أحمد عزمي سبب وفاة والدته، وذلك خلال حلوله ضيف على برنامج واحد من الناس الذي يقدمه الإعلامي عمرو الليثي.

تحيا مصر يرصد سبب وفاة والدة أحمد عزمي.

سبب وفاة والدة أحمد عزمي 

قال أحمد عزمي: أمي ماتت بسببي، دخولي طريق الإدمان زعلها.. وبطلب منها تسامحني.

دخول أحمد عزمي طريق الإدمان

وتابع أحمد عزمي: مريت بمرحلة صعبة وقاسية في حياتي؛ وهي مرحلة الإدمان، وبدأت إدمان الكحول حتى أهرب من واقع أنا عايشه بعد مقتل حمدي أخويا، وكان جوايا غضب شديد، واشتريت شقة في شرم الشيخ واتعرفت على ناس أخدتني إلى طريق الإدمان.

وأضاف: شقيقي تعرض لحادث سرقة وحاول الدفاع عن نفسه وماله، ولكنه قتل مطعونًا بـ 13 طعنة، كنت بصور فيلم الشوق مع خالد الحجر في إسكندرية وكنت عمري ما بشرب أثناء التصوير، وشربت وأنا بصور وفقدت أعصابي، أنا والدي من عمال المهنة، وكنت دايمًا بحافظ على صورته في الوسط الفني.

علاقة أحمد عزمي بالفنان باسم سمرة

واستكمل: باسم سمرة من أقرب الناس لي، وشك في وقت إني مدمن كوكايين وجالي هو وشقيقه البيت وخطفوني، وحبسني في البيت عنده 4 أيام، علشان يتأكد إني مش مدمن كوكايين، وقولتله أنا مدمن كحول فقط، وأنا كنت محتاج صدمة علشان أرجع عن الطريق اللي أنا ماشي فيه، وكان الحبس هو البداية إني أفوق تاني، وأنا كنت مسميها قرصة ودن.

وأردف: زوجتي طلبت الخلع بعد حبسي، ومضيت على خطاب المحكمة وأنا بضحك، وأنا كنت خارج عن السيطرة، وهي كانت خايفة على آدم ابني مني.

واستطرد: زوجتى قطعت كل وسائل التواصل بينا بعد الحبس واللي كان بيحضر الجلسات والدي، والنهاردة أنا بقول اللي هي عملته كان الصح وهي حمت آدم مني، وأنا فكرت في الانتحار، وأقدمت عليه، وحاولت أقطع شرايين إيدى وده حرام، وكنت يائس جدًا وقت الطلاق، حتى الدكتور قال لي أنت مفتري قاطع إيديك الاثنين.