مصطفى قمر وعبد الباسط حمودة أشعلا الحفل.. لقطات مميزة من زفاف نجل أحمد شيبة

أشعل عدد من نجوم مصر حفل محمود نجل مطرب الأغنية الشعبية، الفنان أحمد شيبة، وكان على رأسهم الفنان مصطفى قمر وعبد الباسط حمودة.

تحيا مصر يرصد إشعال نجوم مصر لحفل نجل أحمد شيبة.

مصطفى قمر في برنامج أنغام

من جانبه، قال مصطفى قمر خلال استضافته في برنامج أنغام: كنت ساكن في مكان شعبي في المنشية في اسكندرية  وكنت ساكن في بيت عيلة وكانت احاسيس حلوة متتكرش وذكريات كتير.

وتابع: وانا في 4 ابتدائي كان عندي مُدرسة اسمها أم كلثوم قالت مين يحب يعزف على آلة المندولين رفعت ايدي وانا كنت بتكسف بس بدأت اتعلم مندوبين وبابا جابهولي من واحد بتاع روبابكيا، وبعدها اتعلمت جيتار.

أبرز تصريحات مصطفى قمر 

واستطرد: بابا قالي على اغنية فيها كلمتين خارجين وأنا صغير كنت بحفظ الكلام  وقالولي في الحضانه قول نشيد وانا افتكرت الاغنية اللي بابا قالها وقولتها في الحضانه وساعتها جابوني وقالولي مين حفظك النشيد ده وجابوا بابا وحصل مشكلة.

وأضاف: أنا عملت نفس الموقف ده مع إياد أبني ومرة كنا في المنتزة في اسكندرية وبنتفرج على قصر الملك فاروق وأنا قولتله ده قصر جدك وراح قال لكل صحابه أن جده الملك فاروق.

مصطفى قمر يتحدث عن عائلته

واستكمل: أنا عندي 4 أخوات وأخويا الصغير علمته جيتار وغنى وعمل ألبوم بس الموضوع ممشيش معاه وسافر أمريكا وحاليًا هو دكتور علاج طبيبعي بس بطلعه معايا على المسرح يغني في حفلاتي في اسكندرية.

وأضاف: كنت كل يوم في ثانوي ببص في السقف واتخيل اني عبد الحليم حافظ  واعمل أفلام وأغني وكنت بستنى اروح انام عشان اعيش الحلم الجميل ده لغاية ما روحت الجامعة وبدأت مشواري الغنائي.