اسما شريف منير رفقة طليقها وابنتها وتعلق: هنفضل ديما في ضهرك لحد ما نعجز

شاركت الفنانة أسما شريف منير مجموعة صور لها رفقة ابنتها وطليقها، موجهة رسالة مؤثرة لهما حيث أن الثنائي قرر الحفاظ على علاقتهما حتى لا يتسببوا في أذية ابنتهما.

تحيا مصر يرصد في ذلك التقرير رسالة أسما شريف منير لـ ابنتها وطليقها

أسما شريف منير لـ ابنتها: هنفضل دايما في ضهرك

وكتبت أسما شريف منير عبر حسابها الرسمي بموقع تبادل الصور والفيديوهات انستجرام معلقة على صورتها رفقة والدها وطليقها: كل حاجة في الدنيا بتهون لما بشوفك في لحظات نجاحك، هنفضل دائمًا في ضهرك لحد لما نعجز انا و بباكي، يا رب ادينا الصحة و نشوفك في اعلي الاماكن و بتحققي كل احلامك، بنحبك يا حياتي.

وتابعت أسما شريف منير موجهة رسالة لـ طليقها، قالت فيها: هفضل اشكرك طول عمري علي نبلك و وجودك في حياة بنتك عشان انت من ارقي الاشخاص القليلين في الدنيا.. ربنا يخليك ليها و تفضل ضهرها و سندها.

أسما شريف منير وعلاقتها بطليقها

وسبق وتحدثت أسما شريف منير عن علاقتها بطليقها، فقالت: كل مرة بحس أن لو أب واحد أو أم واحدة سمعوني وراجعوا نفسهم وقرروا أنهم يتنازلوا عن كل الخطط والقضايا والمحاكم والخناق وفكروا قد ايه هما بينقذوا نفسية ومستقبل اولدهم مش هيترددوا لحظه أنهم يختاروا السلام.. كل مرة بنفهم أكتر عن نفسية بنتنا والتغيرات اللي بتعدي بيها وكل مرة بنتحد فيها أو بنكون موجودين في أهم لحظات حياتها بنشوف قد ايه بتكون سعيدة من قلبها ونفسيتها مرتاحة ودي أكتر حاجة بتفرقلها، أكتر من الهدايا واللبس واللعب.

أسما شريف منير: الاب مش دوره انه جيب فلوس لازم يشارك في كل حاجة للطفل

وتابعت: أبو بنتي  بيكون متواجد في كل حفلات المدرسة وكل مناسبة تخصها مش بيعمل زي رجالة كتير وسيبها عاليا، بالعكس ودي حاجة تاتيه مهمه جداً، أن الأب مش دوره بس أنه جيب فلوس، كل حاجة الأب بيشارك فيها بتقرب الطفل خطوة ل نفسيه سويه اكتر رغم ان الظروف مش عاديه، مش اب و ام عايشين تحت سقف واحد، بس يمكن نكون اقرب من اللي عايشن مع بعض، عشان بنحترم بعض و بنحترم مشاعر بنتنا و بنسمع لها بجد.