وصايا ياسمين عز العشر للتعامل مع زوجك الأهلاوي قبل الماتش: متوكوكيش لجوزك عشان البط رمز مميز للوداد

بدأت الإعلامية ياسمين عز برنامجها كلام الناس بـ عدد من النصائح للزوجات لدعم زوجها الأهلاوي قبل ماتش الأهلي والوداد المقرر إقامته غدا، ضمن دوري أبطال أفريقيا.

تحيا مصر يرصد في ذلك التقرير نصائح ياسمين عز للسيدات للتعامل مع الزوج الأهلاوي

نصائح ياسمين عز الـ 10 للتعامل مع الزوج الأهلاوي قبل الماتش

• بلاش أكل دسم عشان يقدر يشجع بكامل طاقته.
• كتري من مصطلحات اللي بتفكر جوزك بالبطولات اللي فاتت.
• بلاش بط بالبرتقان وبلاش تصدريله بوظ البطة ولا تقوليله “وك وك” لأن البط من الرموز المميزة للوداد.
• لو جوزك من النوع العصبي شيلي أي أدوات قابلة للكسر والشاي يكون في كوبيات الكرتون.
• روحي لمامتك قبل الماتش ومترجعيش الا بعده .
• حطي في التلاجة اليوم ده حاجة حلوة وحاجة مالحة.
• لو لقتيه ساكت وقاعد سهتان ومسهم متسأليش أسئلة مستفزة لأن كل تفكيره مين هيلعب مكان الشناوي.
• محبكتش عزومات في اليوم ده ولا تنضيف البيت.
• لو جوزك متجوز 3 متقوليلهوش شكلك بتفكر في الرابعة عشان ده فال وحش جدا لأنها البطولة اللي بيفكر فيها الوداد.
• يحذر الكلام عن أي فلوس أو فواتير أو طلبات واستني الماتش يخلص واجلي طلباتك لحد ما يهدى.

ياسمين عز: لو جوزك سباك قوليله يا معلم قلبي الغرام

وتطرقت ياسمين عز بنصائحها للمرة المتزوجة من الزوج “السباك”، وقالت لها: لو جوزك سباك قوليله خد اللحمة وأنا هاخد الجلدة منها جلدة الفرخة وجلدة الحنفية ، جوزك السباك ده راجل ايده تتلف في حرير ونفسه حلوة تتنعكس على تصرفاته أول ما يوصل البيت بوسي راسه وحضريله الحمام، ولو هتكلميه في مشكلة سدي بوقك بسداده أو تنقطيه بسكاتك وخلي اسلوبك معاه دايما سالك  قوليله هعملك شاي ع السخان، حبست شوية بالشاي ولا اعملك حاجة تانية تحبس بيها، وقوليله يامعلم قلبي الغرام".

ياسمين عز في رامز نيفر اند

يذكر، أنه ظهرت ياسمين عز في واحد من أضخم برامج المقالب المصرية التي ينتظرها الجمهور في رمضان كل عام، وهو برنامج “رامز نيفر اند”، الذي يقدمه الفنان رامز جلال على شاشة قناة mbc، وبمجرد إعلان ظهورها في البرنامج كان لبرنامج رامز جلال في تصدر التريند عدة أيام، حيث خرج الجمهور ليعلن ترقبه لهذه الحلقة القوية، والتي سيشاهدون خلالها حقيقة المرأة التي دائما تعظم وتبجل من الرجل، ليس هذا فقط بل نظر الجمهور إلى وجود ياسمين عز في البرنامج كنوع من الانتقام منها لما تحدثه من حالة بلبلة وإثارة للجدل عبر مواقع التواصل الإجتماعي المختلفة.