والد حسام حبيب يثير الجدل: مافلستش إلا من بعد ما ابني اتجوز شيرين

أثار حسين حبيب، والد الفنان المصري حسام حبيب جدلًا واسعًا بعد حديثه عن نجله وزوجته النجمة شيرين عبد الوهاب.

تحيا مصر يرصد إثارة والد حسام حبيب للجدل

والد حسام حبيب يعلن إفلاسه بعد زواج ابنه من شيرين عبد الوهاب 

كتب حسين حبيب عبر حسابه الشخصي بموقع التواصل الاجتماعي فيسبوك: الناس اللي قالت أني بقبض من شيرين عشان قلت أنها صوت مصر أنا كنت بجامل ابني ومراته.. لكن للحق أنا مافلستش إلا من بعد ماجوز شيرين واخد فلوسي وده الفرق لما كان متجوز هنا بنت الاصول اللي قالت له عيب تاخد فلوس ابوك اشتغل وكفي نفسك.

وكان هاجم حسين حبيب والد الفنان حسام حبيب نجله بعد تصريحاته في برنامج الحكاية مع الإعلامي عمرو أديب حول أزمته مع النجمة شيرين عبد الوهاب.

والد حسام حبيب يفتح النار عليه

كتب والد حسام حبيب عبر حسابه الرسمي على موقع التواصل الاجتماعي فيسبوك: "أنت بتقول لما رجعت ليها العربيه واحد بيشتغل معاها اخد العربيه اللي بخمسه مليون وقالها هابقي اديكي بيها شغل، وواحد محاسب تعرفه قريب شكالها حاله اعطت له 100 الف دولار وخلع، وانها بتكتب شيكات للناس علي بياض".

وتابع: "انت كده بتدي مبرر لاهلها ليحجروا عليها وبتطلعها انها سفيهه وعبيطه، وانا من معرفتي بها انها واعيه ونصحه.. بتيجي تكحلها تعميها، اسأل ابوك يقولك تقول ايه".

هجوم والد حسام حبيب عليه

وأضاف: "كنت عايزك تشتغل وتصرف علي بيتك عشان تكبر في نظر مراتك وتحترمك.. اخدت مني مليون جنيه عشان تشطب فيلتك وما تعيشش في بيت مراتك وقولت هردهملك".

وأردف: ومن ساعه ما اتطلقت وأنا بصرف عليك، ورايح تقول لعمرو أديب وتهاجمني لتاني مره
انك ماتعرفنيش من 14سنه.. اه ما بتعرفنيش الإ للمصلحه وعشان تاخد فلوس".

واختتم حديثه قائلًا: "قولت ما بتشتغلش عشان شيرين ومشاكلها كانت شغلاك بقالك سنه مطلقاها ما اشتغلتش ليه، بطل حجج وخليك راجل انت فعلا مش تربيتي انت تربيه واحده ست.. طلعت من بيت مامي علي بيت مراتك يا اخي عرتنا".